पत्रकार गुप्तामाथि दुब्र्यबहार, युनियन र महासंघद्वारा भत्र्सना

समाचार

गृहपृष्ठ
समाचार
पत्रकार गुप्तामाथि दुब्र्यबहार, युनियन र महासंघद्वारा भत्र्सना

पत्रकार गुप्तामाथि दुब्र्यबहार, युनियन र महासंघद्वारा भत्र्सना

शुक्रबार, असोज १८, २०८१ बागेश्वरी पोस्ट

नेपालगञ्ज । नेपाल प्रेस युनियन बाँकेका कार्यसमिति सदस्य एवम् पत्रकार महासंघ बाँके शाखाका साधारण सदस्य पत्रकार अभिषेक गुप्तामाथि दुब्र्यबहार भएको छ । जी नेपाल फोरके टेलिभिजनमा कार्यरत पत्रकार गुप्तामाथि असोज १७ गते विहिबार घटस्थापनाका दिन समाचारको विषयलाई लिएर दुब्र्यवहार भएको हो । उक्त घटनाप्रति नेपाल प्रेस युनियन बाँके र नेपाल पत्रकार महासंघ बाँके शाखाले गम्भीर ध्यानाकर्षण भएको जनाएका छन् । युनियनका सचिव भिष्म लोध र पत्रकार महासंघ सचिव कमल डाँगीद्वारा छुट्टाछुट्टै जारी विज्ञप्तीमा घटनाको भत्सर्ना गरिएको हो ।

घटस्थापनाको रिर्पोटिङ गरेर फर्किने क्रममा राती करिब ११ बजेको समयमा नेपालगञ्ज उपमहानगरपालिका वडा नम्बर २ त्रिबेणी मोड नजिकै घर अगाडि तीन जना युवाको समूहले भिडियो किन बनाएको भन्दै गुप्तालाई धमक्याएको र हातपातको समेत प्रयास गरेको थियो ।

समाचार संकलनको विषयलाई लिएर पत्रकार गुप्तामाथि दुर्व्यवहार भएको घटनाप्रति प्रेस युनियन बाँके र पत्रकार महासंघ बाँके शाखाले घोर भत्र्सना गरेका हुन् । साथै दुर्व्यवहारमा संलग्नहरुलाई कानूनी दायरामा ल्याई कारबाही गर्न माग गरिएको छ । साथै विज्ञप्तीमार्फत यस्ता घटना दोहोरिन नदिन र पत्रकारहरुलाई निर्वाध समाचार संकलनको वातावरण बनाउन प्रशासनको ध्यानाकर्षण गराइएको छ ।

May be an image of text May be an image of map and text