'बैकुण्ठधाम आध्यात्मिक महोत्सबलाई सफल बनाउन सबै लागौं'

समाचार

गृहपृष्ठ
समाचार
'बैकुण्ठधाम आध्यात्मिक महोत्सबलाई सफल बनाउन सबै लागौं'

'बैकुण्ठधाम आध्यात्मिक महोत्सबलाई सफल बनाउन सबै लागौं'

शनिबार, असोज १९, २०८१ बागेश्वरी पोस्ट

नेपालगञ्ज । बाँकेको डुडुवा गाउँपालिकास्थित राप्ती नदीमा बनाइने 'बैकुण्ठधाम सिधनियाघाट' का लागि आर्थिक सहयोग जुटाउन महोत्सव गरिँदैछ । आगामी कार्तिक २२ गतेदेखि ३० गतेसम्म आयोजना हुने महोत्सबको पूर्व तयारीमा मूल समारोह समिति लागिपरेको छ ।

समितिले आज विहान नेपालगञ्जमा 'पत्रकार भेटघाट तथा शुभकामना आदानप्रदान कार्यक्रम' गरेर महोत्सबलाई सफल बनाउने कार्यमा सहकार्य गर्न सबैलाई आग्रह गरेको छ । कार्यक्रमका प्रमुख अतिथि नेपालगञ्ज उपमहानगरपालिकाका प्रमुख प्रशान्त विष्टले आध्यात्मिक महोत्सवलाई सबै बाँकेबासी मिलेर सफल पार्नुपर्ने बताए । उनले महोत्सवप्रति सबैले अपनत्व लिनुपर्ने आवश्यकतामाथि जोड दिए । वाचन प्रविण पण्डित दिनबन्धु पोखरेलले बैकुण्ठधाम आध्यात्मिक महोत्सवलाई सबै मिलेर सफल बनाउनुपर्नेमा जोड दिए ।

मूल समितिका संयोजक डा. सुरेश कुमार कनोडियाको अध्यक्षतामा सम्पन्न कार्यक्रममा सह-संयोजक भोला महत, सामाजिक अगुवा अजित कुमार शर्मा, महिला अगुवा ऋचा द्विवेदीले बोलेका थिए । कार्यक्रमको सञ्चालन श्रीराम सिग्देलले गरेका थिए ।

प्रकाशित मिति: शनिबार, असोज १९, २०८१ १६:३९

प्रतिक्रिया दिनुहोस्