नेपाल प्रजातन्त्र सेनानी संघ बाँकेको अध्यक्षमा कँडेल चयन

समाचार

गृहपृष्ठ
समाचार
नेपाल प्रजातन्त्र सेनानी संघ बाँकेको अध्यक्षमा कँडेल चयन

नेपाल प्रजातन्त्र सेनानी संघ बाँकेको अध्यक्षमा कँडेल चयन

शनिबार, असोज १९, २०८१ बागेश्वरी पोस्ट

नेपालगञ्ज । नेपाल प्रजातन्त्र सेनानी संघ बाँकेको नयाँ जिल्ला कार्यसमिति चयन गरिएको छ । रामेश्वर कँडेलको संयोजकत्वमा १२ सदस्यीय नयाँ कार्यसमिति चयन गरिएको हो । आज सम्पन्न दोस्रो जिल्ला अधिवेशनबाट नयाँ कार्यसमिति निर्विरोध निर्वाचित भएको हो । यसअघि पनि कँडेल नै तदर्थ समितिका अध्यक्ष थिए ।

नयाँ कार्यसमितिको उपाध्यक्षमा लक्ष्मण प्रसाद बर्मा र सचिवमा कृष्ण प्रसाद सापकोटा निर्वाचित भएका छन् । यस्तै सदस्यहरुमा डिल्ली बहादुर रावत क्षेत्री, प्रमेश्वरी पाठक, लाल बहादुर बुढाथोकी, कुल बहादुर खत्री, हरि बहादुर रेउले, बलराम पुन, टेक बहादुर रोका, रण बहादुर रावत र गुडहीलाल हरिजन चमार निर्विरोध चयन भएका छन् । यसैगरी अधिवेशनबाट पाँच जनालाई केन्द्रिय महाधिवेशन प्रतिनिधिमा चयन गरिएको छ । दशरथ थारु, लक्ष्मी नारायण लम्साल, रुकमाया बस्नेत, गोविन्द प्रसाद ढकाल र कृष्ण प्रसाद सापकोट महाधिवेशन प्रतिनिधि छानिएका छन् ।

नेपाली कांग्रेस बाँकेको पार्टी कार्यालय नेपालगञ्जमा तदर्थ समितिका अध्यक्ष कँडेलेको सभापतित्व एवम् नेपाली कांग्रेस बाँकेका सभापति नारायण प्रसाद गौडेलको प्रमुख आतिथ्यतामा दोस्रो जिल्ला अधिवेशनको उद्घाटन सत्र सम्पन्न भएको थियो । अधिवेशनलाई सम्बोधन गर्दै सभापति गौडेलले कांग्रेसको भ्रातृ संगठनका रूपमा रहेको प्रजातन्त्र सेनानी संघ पार्टीले विगतमा सञ्चालन गरेका क्रान्ति र आन्दोलनमा खटेका, पुराना तथा त्यागी नेताहरूलाई सम्मान दिने फोरमका रुपमा रहेको बताए । उनले पुराना नेताहरुको सम्मान र उचित मूल्यांकनले मात्र पार्टी मजबुत बन्ने विश्वास ब्यक्त गरे ।

त्यस क्रममा कांग्रेस बाँकेका पूर्व सभापतिहरु सनत कुमार रेग्मी, कृष्णमान श्रेष्ठ, प्यूठान कांग्रेसका पूर्व सभापति दिवाकर गौतम लगायत अतिथिहरुको उपस्थिति थियो ।अधिवेशनको उद्घाटन सत्रमा अधिवेशनका लागि केन्द्रिय प्रतिनिधि नेपाल प्रजातन्त्र सेनानी संघका शंकर प्रसाद तिवारी, कांग्रेस नेता एवम् लुम्बनी प्रदेशका पूर्व मन्त्री सुरेन्द्र बहादुर हमाल, पूर्व पार्टी सभापति श्रेष्ठ, महासमिति सदस्य मेघराज ओली लगायतले शुभकामना मन्तब्य ब्यक्त गरेका थिए ।

May be an image of 11 people, people studying, violin and text