राप्ती गाउँपालिकाका तीन वटा पसललाई ३० हजार रुपैयाँ जरिवाना

समाचार

गृहपृष्ठ
समाचार
राप्ती गाउँपालिकाका तीन वटा पसललाई ३० हजार रुपैयाँ जरिवाना

राप्ती गाउँपालिकाका तीन वटा पसललाई ३० हजार रुपैयाँ जरिवाना

आइतबार, असोज २०, २०८१ बागेश्वरी पोस्ट

नेपालगञ्ज । दाङको राप्ती गाउँपालिकाका तीन वटा पसललाई ३० हजार रुपैयाँ जरिवाना गरिएको छ । बाणिज्य, आपूर्ति तथा उपभोक्ता संरक्षण कार्यालय नेपालगञ्जको नेतृत्वमा आज गरिएको अनुगमनका क्रममा तीन वटा पसललाई जरिवाना गरिएको हो ।

रावत किराना तथा गल्ला पसललाई २० हजार तथा शुभसिद्धि किराना तथा गल्ला पसल र प्रकृति किराना पसललाई ५ हजार रुपैयाँ जरिवाना गरिएको बाणिज्य, आपूर्ति तथा उपभोक्ता संरक्षण कार्यालय नेपालगञ्जका कार्यालय प्रमुख हरि बहादुर खत्रीले बताए । राप्ती गाउँपालिकाका १० वटा पसल अनुगमन गरिएको खत्रीले जानकारी दिए । म्याद नाघेका सामान राखेका, दर्ता नै नगरी सञ्चालन गरिएका, मूल्यसूची नटाँसेका लगायतका कैफियत भेटिएको पसललाई कारबाही गरिएको छ ।

"अधिकांशले सबै मापदण्ड र नियम पालना गरेर पसल सञ्चालन गर्नुभएको छ, कतिपयमा सामान्य कैफियत भेटिएको छ, सामान्य कैफियत भेटिएका पसललाई सचेत बनाउने काम गरेका छौं," कार्यालय प्रमुख खत्रीले भन्नुभयो-"केही फलफूल पसलमा पनि रसायन प्रयोग भए नभएको पनि अनुगमन गर्यौं ।" अनुगमन टोलीमा राप्ती गाउँपालिकाका प्रतिनिधि, स्थानीय प्रहरी प्रशासन, स्थानीय पत्रकार लगायत सहभागी थिए । बाणिज्य, आपूर्ति तथा उपभोक्ता संरक्षण कार्यालयले चाडपर्व लक्षित अनुगमनलाई तिब्रता दिएको छ ।

May be an image of 5 people, flower and text May be an image of 3 people, newsstand and text May be an image of 5 people and text