कोहलपुरमा तत्काल यातायात कार्यालय स्थापना गरिने

राजनीति

गृहपृष्ठ
राजनीति
कोहलपुरमा तत्काल यातायात कार्यालय स्थापना गरिने

कोहलपुरमा तत्काल यातायात कार्यालय स्थापना गरिने

बुधबार, कात्तिक ७, २०८१ बागेश्वरी पोस्ट

नेपालगन्ज । लुम्बिनी प्रदेशका मुख्यमन्त्री चेतनारायण आचार्यले चालू आर्थिक बर्षमा विनियोजन भएको बजेट सही ढंगले कार्यान्वयन गर्न आग्रह गरेका छन् ।

कोहलपुर नगरपालिकामा आज जनप्रतिनिधि तथा कर्मचारीहरुसंगको छलफल कार्यक्रमलाई सम्वोधन गर्दै मुख्यमन्त्री आचार्यले चालू आर्थिक बर्षमा बाँके जिल्लालाई उच्च प्राथमिकतामा राखेर बजेट विनियोजन भएको र बजेटको सही ढंगले कार्यान्वयन गर्न आग्रह गरेका हुन् ।

बाँके जिल्लामा पुँजीगततर्फ २ अर्ब ४२ करोड बजेट विनियोजन भएको र ५ लाख भन्दा माथिका सबै आयोजनालाई प्रतिस्पर्धाको माध्यमबाट कार्यान्वयन गर्न निर्देशन दिए । ‘सरकारले विनियोजन गरेको बजेटको सही ढंगले कार्यान्वयन भएको छ या छैन त्यसलाई अनुगमन गर्नुस्,’ मुख्यमन्त्री आचार्यले भने–‘बजेट कार्यान्वयनलाई प्रभावकारी बनाउन जरुरी छ ।’

उनले कोहलपुरमा यातायात सेवा कार्यालय स्थापना तत्काल गरिने जानकारी दिए । ‘कार्यालय भवन र कार्यालय सहयोगी नगरपालिकाले उपलब्ध गराउने सहमति भएको छ । प्रदेश सरकारबाट कर्मचारी नियुक्त गरेर पठाउँछौंं,’ उनले भने, ‘छिटो सेवा सुरु गर्ने योजना अनुसार काम अघि बढेको छ ।’ कोहलपुर नगरपालिकाका कार्यवहाक नगर प्रमुख संगिता सुवेदीले कोहलपुरमा यातायात सेवा कार्यालय स्थापनाको आवश्यकतासंगै समग्र विकासका योजनाहरुको बारेमा मुख्यमन्त्रीको ध्यानाकर्षण गराएकी थिइन् ।

प्रकाशित मिति: बुधबार, कात्तिक ७, २०८१ २०:०६

प्रतिक्रिया दिनुहोस्