दाङमा जिप दुर्घटना, दुईको मृत्यु, तीन जना गम्भीर

समाचार

गृहपृष्ठ
समाचार
दाङमा जिप दुर्घटना, दुईको मृत्यु, तीन जना गम्भीर

दाङमा जिप दुर्घटना, दुईको मृत्यु, तीन जना गम्भीर

शनिबार, कात्तिक १०, २०८१ बागेश्वरी पोस्ट

दाङ । दाङको तुलसीपुरको उत्तरमा रहेको साततलेमा जीप दुर्घटना हुँदा दुई जनाको मृत्यु भएको छ । सल्याननबाट तुलसीपुरतर्फ आइरहेको रा १ ज ८२२ नम्बरको जिप तुलसीपुर–३ साततलेमा आज बिहान दुर्घटना हुँदा दुई जनाको मृत्यु भएको छ ।

मृत्यु हुनेमा दङ्गीशरण गाउँपालिका–४ बैबाङका २२ वर्षीय हिरामणि बुढा मगर र सल्यानको कपुरकोट गाउँपालिका–६ का १९ वर्षीय सुरेश खड्का रहेका छन् ।इलाका प्रहरी कार्यालय तुलसीपुरका प्रहरी निरीक्षक प्रकाश थापका अनुसार दुवै जनाको राप्ती प्रादेशिक अस्पतालमा उपचारको क्रममा मृत्यु भएको हो ।

उनका अनुसार जिप सडकबाट करिब तीन सय मिटर तल खसेको थियो ।जिपमा पाँच जना सवार थिए । जिपमा सवार तीन जना गम्भीर घाइते रहेको प्रहरीले जनाएको छ ।

प्रकाशित मिति: शनिबार, कात्तिक १०, २०८१ ०९:२९

प्रतिक्रिया दिनुहोस्