नेपालगञ्ज उपमहानगरपालिकाद्वारा गहुँको उन्नत बीउ वितरण

समाचार

गृहपृष्ठ
समाचार
नेपालगञ्ज उपमहानगरपालिकाद्वारा गहुँको उन्नत बीउ वितरण

नेपालगञ्ज उपमहानगरपालिकाद्वारा गहुँको उन्नत बीउ वितरण

बिहीबार, कात्तिक २९, २०८१ बागेश्वरी पोस्ट

नेपालगञ्ज । नेपालगञ्ज उपमहानगरपालिकाले गहुँको उन्नत बीउ वितरण गरिरहेको छ । ५० प्रतिशत अनुदानमा कृषकलाई गहुँको बीउ वितरण गरिरहेको नेपालगन्ज उपमहानगरपालिका कृषि शाखाका नायब प्राविधिक सहायक भुवनप्रसाद पन्तले जानकारी दिए ।

समूह, सहकारी र कृषक गरी ९४ जनाबाट माग भए बमोजिम उन्नत गहुँको बीउ वितरण भइरहेको हो । कृषि शाखाले ११ हजार ७ सय ६४ किलो बीउ खरिद गरेर किसानलाई वितरण गरिरहेको पन्तले जानकारी दिए । ५ लाख नेपालगन्ज उपमहानगरपालिका र ५ लाख किसानको लागत हुने गरी गरी रु। १० लाखको उन्नत बीउ खरिद गरिएको हो । कार्तिक २७ गतेदेखि बीउ वितरण भइरहेको छ । प्रति किलो ८५ रुपैयाँमा खरिद गरिएको बीउ कृषकलाई ४२.५ रुपैयाँमा उपलब्ध गराइएको छ ।

सात दिने सूचना जारी गरेर कृषकलाई बीउ मागका लागि आह्वान गरिएको थियो । २३ वटै वडामा वडा कार्यालयमार्फत पनि सूचना प्रवाह गरिएको थियो । लालपूर्जाका आधारमा प्रति कठ्ठा ४ किलोका दरले बीउ उपलब्ध गराइएको छ । नेपालगञ्ज उपमहानगरपालिकाले प्रत्येक वर्ष अनुदानको उन्नत बीउ वितरण गर्दै आएको छ ।

प्रकाशित मिति: बिहीबार, कात्तिक २९, २०८१ १९:०१

प्रतिक्रिया दिनुहोस्