सिद्दिकीको निधनमा कांग्रेस बाँकेद्वारा शोक ब्यक्त

राजनीति

गृहपृष्ठ
राजनीति
सिद्दिकीको निधनमा कांग्रेस बाँकेद्वारा शोक ब्यक्त

सिद्दिकीको निधनमा कांग्रेस बाँकेद्वारा शोक ब्यक्त

शोकमा पार्टी कार्यालय बन्द र आधा झण्डा झुकाइयो

मंगलबार, मंसिर ४, २०८१ बागेश्वरी पोस्ट

नेपालगञ्ज । नेपाली कांग्रेस बाँकेले संविधानसभा सदस्य एवम् पार्टीका राजनीतिक सल्लाहकार अब्दुल हमिद सिद्दिकी (भोला) को निधनमा शोक ब्यक्त गरेको छ । सभापति नारायणप्रसाद गौडेलले आज एक शोक बक्तब्य जारी गर्दै दुःख ब्यक्त गरेका छन् ।

सभापति गौडेलले सिद्दिकीको निधनले पार्टीलाई अपूरणीय क्षती भएको बताए । "उहाँ एक कर्मठ, अनुशासित र इमान्दार नेता हुनुहुन्थ्यो," गौडेलले भने-"कांग्रेस बाँकेले एक जना जुझारु नेता गुमाएको छ, हामी निकै दुःखी छौं ।" कांग्रेस बाँकेले सिद्दिकीप्रति भावपूर्ण श्रद्धाञ्जली अर्पण गर्दै शोकाकूल परिवारजनमा गहिरो समवेदना प्रकट गरेको छ । उनको सम्मानमा आज पार्टी कार्यालय बन्द गरिएको र आधा झण्डा झुकाइएको सचिव सुधांशु कोइरालाले बताए ।

May be an image of text

नेपालगञ्ज उपमहानगरपालिका वडा नम्बर ४ गणेशपुर निवासी कांग्रेस नेता सिद्दिकीको ६० वर्षको उमेरमा गएराती हृदयाघातबाट निधन भएको थियो । दोस्रो संविधानसभा २०७० मा उनी सभासद थिए । उनको आजै अपरान्ह ४ बजे साहबा कब्रस्थानमा धार्मिक परम्परा अनुसार अन्त्येष्टि गरिनेछ । त्यसअघि उनकै निवासमा कांग्रेस नेताहरु उनीप्रति श्रद्धाञ्जली अर्पण गर्न भेला हुने सचिव कोइरालाले जानकारी दिए ।

प्रकाशित मिति: मंगलबार, मंसिर ४, २०८१ १४:१३

प्रतिक्रिया दिनुहोस्