लमहीमा प्रहरीको ब्यारिकेडमा ठोक्किएर मोटरसाइकलमा सवार एक युवकको मृत्यु

समाचार

गृहपृष्ठ
समाचार
लमहीमा प्रहरीको ब्यारिकेडमा ठोक्किएर मोटरसाइकलमा सवार एक युवकको मृत्यु

लमहीमा प्रहरीको ब्यारिकेडमा ठोक्किएर मोटरसाइकलमा सवार एक युवकको मृत्यु

सोमबार, मंसिर १०, २०८१ बागेश्वरी पोस्ट

लमही । दाङको लमहीबाट तुलसीपुरतर्फ आउँदै गरेको मोटरसाइकल दुर्घटना हुँदा ३० वर्षीय युवकको मृत्यु भएको छ भने मोटरसाइकल चालक सकुशल रहेका छन् ।

आज बिहान ४ बजे लमहीबाट तुलसीपुर जाँदै गरेको एआ ७ प ४९५४ नम्बरको मोटरसाइकल लमहीको रातोडाँडामा प्रहरीले राखेको ब्यारिकेडमा ठोक्किँएर दुर्घटना हुँदा मोटरसाइकलको पछाडि सवार तुलसीपुर-९ बेलुवाका ३० वर्षीय युवक लिलाराम डाँगीको मृत्यु भएको दाङ प्रहरीले जानकारी दिएको छ ।

प्रहरीका अनुसार सल्यानस्थित बगचौर नगरपालिका-३ घर भएर डाँगी तुलसीपुरको बेलुवा बस्दै आएका थिए ।

प्रहरीले मोटरसाइकल चालक रोशन विकलाई नियन्त्रणमा लिएर थप अनुसन्धान सुरु गरेको जिल्ला प्रहरी दाङले जनाएको छ ।

प्रकाशित मिति: सोमबार, मंसिर १०, २०८१ ०९:५०