एमालेद्वारा सडक अनुगमन

समाचार

गृहपृष्ठ
समाचार
एमालेद्वारा सडक अनुगमन

एमालेद्वारा सडक अनुगमन

बुधबार, मंसिर १२, २०८१ बागेश्वरी पोस्ट

डुडुवा (बाँके) । बाँकेको डुडुवा गाउँपालिका वडा नं. ६ हिरमिनियामा शुरु भएको कालोपत्रे सडक निर्माणको नेकपा एमालेले अनुगमन गरेको छ । नेकपा एमालेका केन्द्रीय सदस्यद्वय पशुपति दयाल मिश्र र मोहम्मद हारुनको टोलीले अनुगमन गरेको हो ।

ओभरलोड बोकेर टिपर गुडेका कारण सडकमा खाल्डाखुल्डी भएपछि करिब साढे १२ सय मिटर सडक कालोपत्रे गर्न लागिएको डुडुवा ६ का वडाध्यक्ष मोहनराम मिश्रले बताए । उक्त सडकको किनारमा २ सय ५० मिटर नाली निर्माणको काम शुरु भइसकेको जानकारी दिँदै वडाध्यक्ष मिश्रले नाली निर्माण पूरा भएपछि सडक कालोपत्रे गर्न शुरु गरिने जानकारी दिए ।

अनुगमनका क्रममा एमालेका केन्द्रीय सदस्य मिश्रले नाली निर्माणको शुरुवाती चरणको काम सन्तोषजनक रहेको बताए ।

तत्कालीन भौतिक पूर्वाधार तथा यातायात मन्त्री रघुवीर महासेठले उक्त सडक निर्माणका लागि १ करोड बजेट विनियोजन गरेका थिए । जस अन्तर्गत ५७ लाख १७ हजार ३ सय ५६ रुपैयाँमा ठेक्का सम्झौता भइ काम शुरु भएको वडाध्यक्ष मिश्रले बताए ।

उक्त सडक निर्माणको जिम्मेवारी पाएको राप्ती गणेश कन्स्ट्रक्शनले काम समयमै सम्पन्न गर्ने प्रतिबद्धता जनाएको छ ।
अनुगमन टोलीमा एमालेका गाउँ इकाई कमिटी अध्यक्ष ओरीलाल मुराउ, नेता अशोक थापा क्षेत्री लगायतका नेता कार्यकर्ताको उपस्थिति रहेको थियो ।

प्रकाशित मिति: बुधबार, मंसिर १२, २०८१ १४:४१

प्रतिक्रिया दिनुहोस्