नौवस्ता औद्योगिक क्षेत्रको निर्माण कार्य अघि बढाउन सरकारको ध्यानाकर्षण

समाचार

गृहपृष्ठ
समाचार
नौवस्ता औद्योगिक क्षेत्रको निर्माण कार्य अघि बढाउन सरकारको ध्यानाकर्षण

नौवस्ता औद्योगिक क्षेत्रको निर्माण कार्य अघि बढाउन सरकारको ध्यानाकर्षण

बिहीबार, मंसिर १३, २०८१ बागेश्वरी पोस्ट

नेपालगञ्ज । बाँकेको बैजनाथ गाउँपालिकास्थित नौवस्ता औद्योगिक क्षेत्रको निर्माण कार्य अगाडि बढाउन बैजनाथको सर्वदलीय टोलीले प्रधानमन्त्री केपी शर्मा ओलीलाई आग्रह गर्दै ध्यानाकर्षणपत्र बुझाएको छ ।

सर्वदलीय टोलीले आज बालुवाटारस्थित प्रधानमन्त्री निवास बालुवाटार पुगी औद्योगिक क्षेत्र निर्माणका विषयमा प्रधानमन्त्री ओलीलाई ध्यानाकर्षणपत्र बुझाएको टोलीमा सहभागी कांग्रेस नेता आशिष काफ्लेले जानकारी दिए । भेटमा प्रधानमन्त्री ओलीले नौवस्ता औद्योगिक क्षेत्र निर्माण सरकारको प्राथमिकतामा रहेको बताएको कांग्रेस नेता काफ्लेले बताए ।

बैजनाथ गाउँपालिका अध्यक्ष प्रकाशबहादुर शाहीले नौवस्ता औद्योगिक क्षेत्रभित्र बसोबास गरिरहेका जनताको तत्काल व्यवस्थापन गरी निर्माण कार्य अघि बढाउन सरकारलाई आग्रह गरिएको बताए ।

May be an image of 6 people, the Oval Office, dais and text

त्यसक्रममा प्रतिनिधिसभाका सांसदहरु आशा विक, दिपा शर्मा, सूर्य ढकाल, प्रदेशसभा सांसदहरु बादशाह कुर्मी, रत्न खत्रीलगायत विभिन्न दलका प्रतिनिधिहरुको सहभागिता थियो ।

May be an image of 11 people, dais and text