'टोल–टोलमा काँग्रेस' अभियानले ल्याएको उत्साह

राजनीति

गृहपृष्ठ
राजनीति
'टोल–टोलमा काँग्रेस' अभियानले ल्याएको उत्साह

'टोल–टोलमा काँग्रेस' अभियानले ल्याएको उत्साह

शनिबार, मंसिर १५, २०८१ बागेश्वरी पोस्ट

नेपालगञ्ज । बाँके क्षेत्र नम्वर १ मा नेपाली काँग्रेसले ‘टोल–टोलमा काँग्रेस अभियान’लाई तीब्रता दिएको छ । राप्तीसोनारी गाउँपालिका, नरैनापुर गाउँपालिका र कोहलपुर नगरपालिका क्षेत्र समेटिएको क्षेत्र नम्वर १ मा क्षेत्रीय सभापति पोषण केसीको नेतृत्वमा टोल–टोलमा काँग्रेस अभियानलाई तीब्रता दिइएको हो । दुई सय ५० बढी टोल रहेको यी क्षेत्रमा हालसम्म एक सय टोलमा अभियान पूरा भएको सभापति केसीले बताए ।

‘यसअघिका अभियानहरु वडासम्म पुग्ने गरेका थिए,' उनले भने–‘तर यो पटक टोल–टोलमा पुगेर स्थानीयका समस्या सुन्ने र समाधानका लागि पनि पहल गर्ने गरेका छौं । कार्यकर्ताहरु पनि उत्साहित भएका छन् ।’ जुन–जुन समस्या स्थानीयले उठाउने गरेका छन्, ती समस्याको सम्वन्धीत निकायबाट समाधानको प्रयास तत्काल थाल्ने काम भइरहेकाले स्थानीय कार्यकर्ताहरु खुसी भइरहेको उनले बताए । ‘राप्तीसोनारीको बैजापुरमा स्थानीय १७–१८ जना थारु युवाहरुलाई झुट्टा मुद्दा लगाएर फसाइएको रहेछ,' उनले भने–‘हाम्रो टोल अभियानमा परिवारले दुखेसो पोखे, तत्काल सरकारी वकिल र प्रहरी प्रशासनसँग सहकार्य गरेर उनीहरुलाई न्याय दिन सकियो ।’

May be an image of 16 people, crowd and text

स्थानीयबासीहरुले सडक, विजुली बत्ती लगायतका सवालमा गुनासो गर्ने गरेको पाइएको पनि उनले बताए । ती समस्या समाधानका लागि तत् कार्यालयहरुसँग समन्वय र सहकार्य गर्ने काम आफूले गर्दै आएको पनि उनले बताए । स्थानीय सरकारसँग थुप्रैका गुनासाहरु रहेकाले ती गुनासो सम्वोधन गर्न स्थानीय सरकारसँग पनि समन्वयकारी भूमिका खेल्ने गरिएको उनको भनाई छ ।

अभियान अन्तर्गत शुक्रबार कोहलपुर नगरपालिका वडा नम्वर ४ र ११ मा कार्यक्रम गरिएको छ । दुबै कार्यक्रममा उपस्थित काँग्रेस कार्यकर्ताले आगामी २०८४ सालमा हुने निर्वाचनका लागि अहिलेदेखि नै जनताका समस्या र गुनासालाई सम्बोधन गर्नुपर्ने सुझाव दिए । कार्यक्रममा पार्टीका नेता तथा कार्यकर्ताको उत्साहजनक उपस्थिति रहेको र संगठनको आन्तरिक जीवनका साथै विकास निर्माणका योजना तथा स्थानीय जनताले भोग्नुपरेका समस्या र समाधानको उपायका बारेमा छलफल गरिएको क्षेत्रीय सभापति केसीले बताए ।

कोहलपुरको वडा नम्वर १ मा अभियान सम्पन्न भइसकेको छ । यस्तै राप्तीसोनारी गाउँपालिका वडा नम्वर २ मा आज शनिवार टोल–टोलमा काँग्रेस अभियान राखिएको क्षेत्रीय सचिव खुमबहादुर बस्नेतले बताए । राप्तीसोनारीका वडा नम्वर १,३, ४, ५, ६, ७ र ८ मा टोल–टोलमा काँग्रेस अभियान सम्पन्न भइसकेको छ । वडा नम्वर ९ मा भने बाँकी छ ।

May be an image of 8 people and text