नेपालगञ्ज कनक्लेभको तयारी पूरा

समाचार

गृहपृष्ठ
समाचार
नेपालगञ्ज कनक्लेभको तयारी पूरा

नेपालगञ्ज कनक्लेभको तयारी पूरा

बुधबार, मंसिर १९, २०८१ बागेश्वरी पोस्ट

नेपालगञ्ज । नेपालगञ्ज म्याराथनको पूर्व सन्ध्यामा हुने नेपालगञ्ज कनक्लेभको सम्पूर्ण तयारी पूरा भएको छ । आयोजक क्रियटिभ ह्याण्ड्सले आज नेपालगञ्जमा पत्रकार सम्मेलन गरेर भोलिदेखि सुरु हुने दुई दिने नेपालगञ्ज कनक्लेभको सम्पूर्ण तयारी पूरा भएको जनाएको छ । यो चौथो संस्करण हो ।

मंसिर २२ गते शनिबार हुने दशौं धारा नेपालगञ्ज म्याराथनको पूर्व सन्ध्यामा आयोजित कनक्लेभमा विभिन्न क्षेत्रका बिज्ञलाई एकै थलोमा जम्मा गरी विभिन्न विषयगत बहस गरिने क्रियटिभ ह्याण्ड्सका अध्यक्ष टिएस ठकुरीले जानकारी दिए ।

यस पटक नेपालगञ्ज कनक्लेभमा मुख्यतः आठ वटा विषयमा प्यानल छलफल हुनेछ । आयोजकका अनुसार ख्यातीप्राप्त हाँस्य कलाकार एवं वरिष्ठ अभिनेता मदनकृष्ण श्रेष्ठसंगको अन्तरंग सम्वादबाट कनक्लेभ शुभारम्भ हुनेछ ।

जीवन संघर्ष र प्राप्ति, देशले गर्छ विद्युत निर्यात नेपालगञ्जले भोग्छ उर्जा संकट, व्यापार घाटाको दिगो व्यवस्थापन, निर्यात बस्तुमा मूल्यबृद्धि, पर्यटनको नक्सामा पश्चिम नेपालको नयाँ सर्किट, नेतृत्वको खडेरीः दलमा, देशमा, किन दौडिन्छ मान्छे, साहित्य र सिनेमाको ऐनामा समाज रुपान्तरणको चित्र जस्ता विषयमा दुई दिनसम्म बहस गरी निष्कर्ष खोजिने कनक्लेभ संयोजक जनक नेपालले जानकारी दिए ।

प्रकाशित मिति: बुधबार, मंसिर १९, २०८१ २०:१३