पत्रकार महासंघ निर्वाचन: प्रेस युनियन र चौतारीबीच भागबण्डा, कसले कुन पद पाए?

राजनीति

गृहपृष्ठ
राजनीति
पत्रकार महासंघ निर्वाचन: प्रेस युनियन र चौतारीबीच भागबण्डा, कसले कुन पद पाए?

पत्रकार महासंघ निर्वाचन: प्रेस युनियन र चौतारीबीच भागबण्डा, कसले कुन पद पाए?

शुक्रबार, मंसिर २१, २०८१ बागेश्वरी पोस्ट

काठमाडौं । यही मंसिर २८ गते हुने नेपाल पत्रकार महासंघको निर्वाचनका लागि नेपाल प्रेस युनियन र प्रेस चौतारीबीच भागबण्डा मिलेको छ ।

दुई संगठनबीच भएको सहमतिमा प्रेस चौतारीले केन्द्रीय अध्यक्ष पाउने भएको छ । त्यसैगरी महिला उपाध्यक्ष, आदिवासी जनजाति सचिव, कोषाध्यक्ष र लेखा समिति संयोजकसहित २२ सदस्य प्रेस चौतारीले पाउने सहमति भएको छ।

सहमति अनुसार वरिष्ठ उपाध्यक्ष, महासचिवदेखि अन्य सबै पदाधिकारी र सदस्य प्रेस युनियनले लिने भएको हो ।

त्यसैगरी, ७ वटा प्रदेशमा पनि भागबण्डा भएको छ । जसमा प्रेस चौतारीले कोशी, मधेस, कर्णाली र उपत्यकाको अध्यक्ष लिने र प्रेस युनियनले बागमती, गण्डकी, लुम्बिनी, सुदूरपश्चिम, एसोसिएट र प्रतिष्ठानको अध्यक्ष लिने सहमति भएको छ ।

सहमति अनुसार जिल्ला शाखामा पनि ७७ जिल्लामा चौतारीले ३२ र बाँकि प्रेस युनियनले लिने भएका हुन् ।

प्रकाशित मिति: शुक्रबार, मंसिर २१, २०८१ १३:४६

प्रतिक्रिया दिनुहोस्