कांग्रेसको मूल आधार हल्लिएको छैनः डा. रिजाल

राजनीति

गृहपृष्ठ
राजनीति
कांग्रेसको मूल आधार हल्लिएको छैनः डा. रिजाल

कांग्रेसको मूल आधार हल्लिएको छैनः डा. रिजाल

शुक्रबार, मंसिर २१, २०८१ बागेश्वरी पोस्ट

नेपालगञ्ज । नेपाली कांग्रेसका नेता डा. मिनेन्द्र रिजालले उपनिर्वाचनले कांग्रेसको मूल आधार नहल्लिएको स्पष्ट गरेको बताएका छन् । नेपाल प्रेस युनियन बाँके शाखाद्वारा आज नेपालगञ्जमा आयोजित पत्रकार सम्मेलनमा केन्द्रिय सदस्य डा. रिजालले भर्खरै सम्पन्न उपनिर्वाचनमा पार्टीका उम्मेदवारहरुले प्राप्त गरेको मतले कांग्रेसको आधार नहल्लिएको स्पष्ट पारेको बताए ।

उनले पार्टीले अघिल्लो निर्वाचनमा पाएको समानुपातिक मत भन्दा अहिले मत बढेको दाबी गरे । "पार्टीको आधार हल्लिएको छैन, कमजोर भएका छौं कि भन्ने मलाई लागेको थियो," डा. रिजालले भने, "कांग्रेस आफ्नो आधारमा छ, यो आधारलाई बलियो बनाउनतर्फ पार्टी लाग्नुपर्दछ ।"

उहाँले कांग्रेस र एमालेले सरकारको संयन्त्रलाई कसरी जनताका पक्षमा प्रयोग गर्न सकिन्छ भन्ने कुरामा ध्यान दिन जरुरी रहेको डा. रिजालको भनाई छ । उनले दुबै ठूला दल निश्चित जिम्मेवारीका साथ सरकारमा रहेका कारण परिणाम दिने गरी काम गर्नुपर्नेमा जोड दिए ।

नेपाल प्रेस युनियन बाँकेका अध्यक्ष प्रियास्मृति ढकालको अध्यक्षतामा सम्पन्न पत्रकार सम्मेलनमा कांग्रेस बाँकेका कार्यबहाक सभापति गोपालप्रसाद अधिकारी, सचिव सुधांशु कोइराला लगायतको उपस्थिति थियो ।

प्रकाशित मिति: शुक्रबार, मंसिर २१, २०८१ २१:०६