मंसिर २४ गते नेपालगञ्जमा भ्रष्टाचार बिरुद्ध वाकाथन हुँदै

समाचार

गृहपृष्ठ
समाचार
मंसिर २४ गते नेपालगञ्जमा भ्रष्टाचार बिरुद्ध वाकाथन हुँदै

मंसिर २४ गते नेपालगञ्जमा भ्रष्टाचार बिरुद्ध वाकाथन हुँदै

शनिबार, मंसिर २२, २०८१ बागेश्वरी पोस्ट

नेपालगञ्ज । नेपालगञ्जमा भ्रष्टाचार बिरुद्ध वाकाथन हुँदैछ । मंसिर २४ गते हुन लागेको वाकाथनको तयारी पूरा भएको आयोजक बासले जनाएको छ ।

भ्रष्टाचार बिरुद्ध क्रियाशिल संस्था बास नेपालको आयोजना, अन्तरालको ब्यवस्थापन र विभिन्न संघसंस्था तथा निकायहरुको सहकार्यमा हुने कार्यक्रमले भ्रष्टाचार बिरुद्ध आम नागरिकहरुमा जागरण ल्याउने र नेपालगञ्जको पहिचानलाई व्यापकता दिने अपेक्षा गरिएको छ ।

यस बर्षको नेपालगञ्ज वाकाथन नेपालगञ्जको गणेशमान चौकबाट शुरु भई विपी चौक, त्रिभुवन चौक, जिल्ला प्रशासन कार्यालय रोड हुँदै रामलिला मैदानमा गएर समापन हुनेछ । भ्रष्टाचार बिरुद्धका लागि ुसँगै हिँडौुं भन्ने नाराका साथ आयोजना हुन थालेको वाकाथनमा नेपाल प्रहरीको ब्याण्ड बाजा, विभिन्न साँस्कृतिक प्रस्तुति, झाँकी, पर्चा, पम्लपेट बितरण लगायतका गतिविधिहरु हुनेछन् ।

कार्यक्रमका सहभागीहरु भ्रष्टाचार बिरुद्धको नारा अंकित टिशर्टमा नेपालको झण्डा र भ्रष्टाचार बिरुद्धका प्लेकार्डका साथमा सडकमा उत्रिनेछन् । बास नेपालले पश्चिम नेपालमा २०७८ सालदखि नियमितरुपमा नेपालगञ्जमा भ्रष्टाचार बिरुद्ध ुनेपालगञ्ज वाकाथनु कार्यक्रम गर्दै आएको सूचना अधिकारी हेमराज भट्टले जानकारी दिए ।

वाकाथनमा राष्ट्रिय सूचना आयोगका पूर्व प्रमुख सूचना आयुक्त कृष्णहरी बास्कोटासहितका बिशिष्ट ब्यक्तित्वहरुको विशेष उपस्थिति रहने बताइएको छ ।

प्रकाशित मिति: शनिबार, मंसिर २२, २०८१ २०:५३

प्रतिक्रिया दिनुहोस्