प्रहरी निरीक्षक बस्नेतको सक्रियतामा नेपालगन्जबाट ८ किलो अबैध चाँदी बरामद

समाचार

गृहपृष्ठ
समाचार
प्रहरी निरीक्षक बस्नेतको सक्रियतामा नेपालगन्जबाट ८ किलो अबैध चाँदी बरामद

प्रहरी निरीक्षक बस्नेतको सक्रियतामा नेपालगन्जबाट ८ किलो अबैध चाँदी बरामद

बिहीबार, फागुन २२, २०७६ बागेश्वरी पोस्ट

नेपालगन्ज । नेपालगन्जको वडा प्रहरीको सक्रियतामा ८ किलो ५ सय ग्राम चाँदी बरामद गरिएको छ। वडा प्रहरी कार्यालय नेपालगन्जका प्रमुख प्रहरी निरीक्षक हरी बहादुर बस्नेत नेतृत्वको टोलीले नेपालगन्जबाट भारतीय नागरिक अलिब सलमानीलाई आज पक्राउ गरेको हो ।

समालीले युपी ३२ जेपी ३८८८ नम्बरको मोटरसाइकलको टंकीमा लुकाएर चाँदी तस्करी गरीरहेको सुचनाका आधारमा पक्राउ गरिएको प्रहरी निरीक्षक बस्नेतले बताए । पक्राउ परेका सलमानीलाई थप अनुसन्धानका लागि जिल्ला प्रहरी कार्यालय बाँकेमा राखिएको छ ।

बस्नेतले नेपालगन्जको वडा प्रहरी प्रमुखको जिम्मेवारी सम्हाले पश्चात् नेपालगन्जमा स्थानीयले शान्ति सुरक्षाको आभास महसुस गर्दै आइरहेका छन् । बस्नेत भन्छन् ,' अबैध कारोबारीलाई कारबाही गर्नै पर्छ।'

प्रकाशित मिति: बिहीबार, फागुन २२, २०७६ १५:३९

प्रतिक्रिया दिनुहोस्