बर्दिया आउँदै गरेको हायस दाङको च्याउखोलामा दुर्घटना, २ जनाको मृत्यु,१२ घाइते

समाचार

गृहपृष्ठ
समाचार
बर्दिया आउँदै गरेको हायस दाङको च्याउखोलामा दुर्घटना, २ जनाको मृत्यु,१२ घाइते

बर्दिया आउँदै गरेको हायस दाङको च्याउखोलामा दुर्घटना, २ जनाको मृत्यु,१२ घाइते

सोमबार, पुस १, २०८१ बागेश्वरी पोस्ट

नेपालगन्ज । दाङको लमही नजिक यात्रुबहाक हायस दुर्घटना हुँदा २ जनाको मृत्यु भएको छ भने १२ जना घाइते भएका छन् ।

पूर्व–पश्चिम राजमार्ग अन्तर्गत लमही नगरपालिका–९ च्याउखोला नजिकै कपिलवस्तुको चद्रौटाबाट बर्दियातर्फ आउँदै गरेको लु १ ज ४२९८ नम्बरको विङगर आज विहान करिव ६ बजेतिर दुर्घटनामा परेको जिल्ला प्रहरी कार्यालय दाङले जानकारी दिएको छ ।

उक्त दुर्घटनामा कपिलबस्तु जिल्लाको शिवराज नगरपालिका-३ का ४२ बर्षीय पृथी थारु र ६० बर्षीया फूलसी थारुको मृत्यु भएको प्रहरीले जनाएको छ ।

जिल्ला प्रहरी कार्यालय दाङका अनुसार लमही अस्पताल पु¥याए लगतै चिकित्सकले उनीहरुलाई मृत घोषणा गरेका थिए ।

दुर्घटनाका मध्यम अवस्थाका थप १२ जना घाइतेको लमहीमै उपचार भइरहेको प्रहरीले जानकारी दिएको छ ।

तीब्र गतिको गाडी अनियन्त्रित भई दुर्घटना हुँदा सडकदेखि झन्डै ५० मिटर तल खसेको छ । गाडीमा जम्मा १४ जना सवार थिए । दुर्घटनाबारे थप अनुसन्धान भइरहेको प्रहरीले जानकारी दिएको छ ।

गाडी चालक कपिलबस्तुको शिवराज नगरपालिका – ५ का ३२ बर्षीय अशोक कोइराला प्रहरी नियन्त्रणमा छन् । चालकसहित गाडीमा कुल १५ जना सवार रहेको प्रहरीले जानकारी दिएको छ । प्रहरीका अनुसार उनीहरु सबै बर्दियामा आफ्नो जातिको धार्मिक कार्यक्रममा जाँदै गर्दा दुर्घटनामा परेका थिए ।

दुर्घटनाका घाइते सबै एकै ठाउँका हुन् ।

१२ जना घाइतेहरुको नाम-

१– कपिलबस्तु – ३ की ४५ बर्षीया मिथिला थारु

२– बर्ष ६५ की चेहली थारु

३– बर्ष ७७ की दर्सनी थारु

४ – बर्ष ६० की महङ्गी थारु

५– बर्ष ४० की सरिता थारु

६– बर्ष ५५ की रामपियारी थारु

७ – बष ४७ का रामचन्द्र थारु

८– ४५ का बुद्धि चौधरी

९ – बर्ष ४५ की फूलबजनी चौधरी

१० –बर्ष ४५ की डुड्डी थारु