पत्रकार महासंघ बाँकेको नवनिर्वाचित कार्यसमितिलाई अनलाइन पत्रकार संघको सम्मान

समाचार

गृहपृष्ठ
समाचार
पत्रकार महासंघ बाँकेको नवनिर्वाचित कार्यसमितिलाई अनलाइन पत्रकार संघको सम्मान

पत्रकार महासंघ बाँकेको नवनिर्वाचित कार्यसमितिलाई अनलाइन पत्रकार संघको सम्मान

सोमबार, पुस १, २०८१ बागेश्वरी पोस्ट

नेपालगञ्ज । अनलाइन पत्रकार संघले नेपाल पत्रकार महासंघ बाँकेको नवनिर्वाचित कार्यसमितिलाई सम्मान गरेको छ ।

मंसिर २८ गते सम्पन्न भएको पत्रकार महासंघको बाँके जिल्ला अधिवेशनबाट नवीन गिरीको अध्यक्षतामा २० सदस्यीय नयाँ नेतृत्व चयन भएको थियो । अनलाइन पत्रकार संघले नयाँ कार्यसमितिलाई आगामी कार्यकालको सफलताको कामना गर्दै सम्मान गरेको हो ।

सम्मान कार्यक्रममा संघका अध्यक्ष कमल न्यौपानेले पत्रकार महासंघ बाँकेलाई चलायमान बनाउँदै नयाँ नेतृत्व पत्रकारको हक-अधिकार संरक्षणसंगै सुरक्षा र लेखनशैलीमा क्षमताबृद्धिका लागि गम्भीर भएर लाग्नुपर्ने बताएका छन् । महासंघले आस्था र विचारका आधारमा कसैलाई पनि विभेद गर्न नहुने र श्रमजीवी पत्रकारका पक्षमा आवाज उठाउन सक्नुपर्ने उनले सुझाव दिए ।

सम्मान कार्यक्रममा महासंघका नवनिर्वाचित अध्यक्ष गिरीले महासंघले कुनै खाले विभेदकारी भूमिका नखेली निरन्तर पत्रकारका पक्षमा लाग्ने र बाँके शाखालाई तीन बर्षमा देशभरकै नमुना शाखाका रूपमा स्थापित गर्ने प्रतिबद्धता जनाएका छन् ।

नेपालगन्ज उद्योग बाणिज्य संघको सभाहलमा भएको सम्मान कार्यक्रममा अनलाइन पत्रकार संघका अध्यक्ष न्यौपानेले महासंघका अध्यक्ष गिरीसहितको नवनिर्वाचित टीमलाई दोसल्ला ओढाएर सम्मान गरेका थिए ।

प्रकाशित मिति: सोमबार, पुस १, २०८१ १५:४७

प्रतिक्रिया दिनुहोस्