क्रान्तिकारी कम्युनिष्ट पार्टीले दियो पत्रकार महासंघका नवनिर्वाचित पदाधिकारीलाई बधाई

समाचार

गृहपृष्ठ
समाचार
क्रान्तिकारी कम्युनिष्ट पार्टीले दियो पत्रकार महासंघका नवनिर्वाचित पदाधिकारीलाई बधाई

क्रान्तिकारी कम्युनिष्ट पार्टीले दियो पत्रकार महासंघका नवनिर्वाचित पदाधिकारीलाई बधाई

मंगलबार, पुस २, २०८१ बागेश्वरी पोस्ट

नेपालगञ्ज । क्रान्तिकारी कम्युनिष्ट पार्टी नेपाल ६ नम्बर प्रदेश समितिले नेपाल पत्रकार महासंघमा नवनिर्वाचित पदाधिकारीलाई बधाई ज्ञापन गर्दै सफल कार्यकालको शुभकामना दिएको छ । नेपालगञ्जमा आज आयोजित एक कार्यक्रमका बीच केन्द्र, प्रदेश र जिल्लामा निर्वाचित पदाधिकारी, सदस्य एवम् पार्षदलाई अबिर र माला लगाएर बधाई दिइएको छ ।

पार्टीका बाँके जिल्ला सचिव गुणनिधि आचार्यको अध्यक्षता एवम् ६ नम्बर प्रदेश संयोजक दिपक बहादुर शाहीको प्रमुख आतिथ्यतामा सम्पन्न कार्यक्रममा पत्रकार महासंघ लुम्बिनी प्रदेशका नवनिर्वाचित अध्यक्ष शुक्रऋषि चौलागाईं, जिल्ला अध्यक्ष नवीन गिरी लगायत नवनिर्वाचित सबैलाई सम्मान गरिएको थियो । त्यसक्रममा क्रान्तिकारी कम्युनिष्ट पार्टी नेपालको भर्खरै सम्पन्न महाधिवेशनले पारित गरेका एजेण्डाहरुका बारेमा पनि जानकारी गराइएको थियो । कार्यक्रममा बोल्दै प्रदेश संयोजक शाहीले जनजिविका, कुरिती, बेथिति तथा भ्रष्टाचारजन्य गतिविधिविरुद्ध खरोरुपमा कलम चलाउन पत्रकारहरुलाई आग्रह गरे । राजनीतिक र सामाजिक बेथिति विरुद्ध आफ्नो पार्टी बुलन्द ढंगले लागिरहने भन्दै उनले मिडियाको साथ र सहयोगको अपेक्षा गर्दै नवनिर्वाचित टिमलाई शुभकामना दिए ।

May be an image of ticket stub and text

लेखक एबम् पत्रकार नरेन्द्रजंग पिटरले पत्रकारितालाई धारिलो बनाउन आवश्यक रहेकोमा जोड दिए । पत्रकार महासंघ लुम्बिनीका नवनिर्वाचित अध्यक्ष चौलागाईले पत्रकारले सधैं सत्यको पैरबी गर्ने बताए । पत्रकार महासंघका बाँके अध्यक्ष गिरीले राजनीतिक र सामाजिक चित्रलाई जस्ताका तस्तै उतार्नु पत्रकारिताको धर्म भएकाले यसप्रति सबै गम्भीर बन्नुपर्नेमा जोड दिए । उनले समाजलाई सुसूचित गर्ने सन्दर्भमा पत्रकारहरु डग्मगाउन नहुने बताए । कार्यक्रममा पार्टीकी केन्द्रिय सल्लाहकार कमला खड्काले स्वागत मन्तब्य ब्यक्त गरेकी थिइन् भने कार्यक्रम सञ्चालन अनेरास्ववियु क्रान्तिकारीका बाँके संयोजक प्रकाश विश्वकर्माले गरेका थिए । त्यस अवसरमा नेपाल पत्रकार महासंघका पूर्व केन्द्रिय उपाध्यक्ष हेमन्त कर्माचार्य, पूर्व केन्द्रिय सदस्य झलक गैरे लगायतको उपस्थिति थियो ।

प्रकाशित मिति: मंगलबार, पुस २, २०८१ १५:३५