सगरमाथा गन्तब्य मिडियाद्वारा पत्रकार महासंघमा नवनिर्वाचितलाई सम्मान

समाचार

गृहपृष्ठ
समाचार
सगरमाथा गन्तब्य मिडियाद्वारा पत्रकार महासंघमा नवनिर्वाचितलाई सम्मान

सगरमाथा गन्तब्य मिडियाद्वारा पत्रकार महासंघमा नवनिर्वाचितलाई सम्मान

शुक्रबार, पुस ५, २०८१ बागेश्वरी पोस्ट

नेपालगञ्ज । सगरमाथा गन्तब्य मिडिया प्रालि नेपालगञ्जले नेपाल पत्रकार महासंघमा नवनिर्वाचित पदाधिकारीलाई बधाई ज्ञापन गर्दै सम्मान गरेको छ । मिडियाका अध्यक्ष एवम् प्रधान सम्पादक कृष्ण जिसीले बाँके जिल्लाबाट लुम्बिनी प्रदेशमा नवनिर्वाचित पदाधिकारी एवम् सदस्य, जिल्लाको नवनिर्वाचित कार्यसमिति तथा केन्द्र र प्रदेशमा निर्वाचित पार्षदलाई टीका र खादासहित बधाई ज्ञापन गर्दै सफल कार्यकालको शुभकामना दिएका थिए । उनले मिडियाको तर्फबाट मायाको चिनो समेत प्रदान गरेका थिए ।

May be an image of 4 people and text

कार्यक्रममा बोल्दै लुम्बिनी प्रदेशका नवनिर्वाचित अध्यक्ष शुक्रऋषि चौलागाईंले सम्मानले जिम्मेवारीबोध गराएको र संवेदनशिल बनाएको भन्दै पत्रकार महासंघको गरिमा बढाउने गरी काम गर्ने बताए । बाँके शाखा अध्यक्ष नवीन गिरीले पत्रकारहरुलाई संगठित गर्दै बृत्ति विकास र व्यवसायिक दक्षता बृद्धिका लागि काम गर्ने बताए । उनले मिडियाको विकासका लागि सहकार्य र सहजीकरण गर्न प्रतिबद्ध रहेको बताए । बरिष्ठ पत्रकार शिव डोटेलले पत्रकारहरुको दक्षता अभिबृद्धिसंगै व्यवसायिक सुरक्षाका लागि काम गर्न आग्रह गरे ।

May be an image of 5 people, dais and text

सगरमाथा गन्तब्य मिडियाका अध्यक्ष जिसीले पत्रकारिता क्षेत्रमा पत्रकारलाई टिकाई राख्न आत्मनिर्भरताको पाटोलाई पनि ध्यान दिनुपर्नेमा जोड दिए । कार्यकारी सम्पादक एवम् पत्रकार महासंघ बाँकेका नवनिर्वाचित सहसचिव भगरराम थारुले स्वागत मन्तब्य ब्यक्त गरेको कार्यक्रमको सञ्चालन कौशल पाण्डेले गरेका थिए । सगरमाथा गन्तब्य मिडियाले दैनिक पत्रिका र अनलाइन पोर्टल सञ्चालन गर्दै आएको छ ।

May be an image of 3 people, dais and text