भट्टराईको १००औं जन्यजयन्तीमा विरामीलाई फलफूल वितरण

राजनीति

गृहपृष्ठ
राजनीति
भट्टराईको १००औं जन्यजयन्तीमा विरामीलाई फलफूल वितरण

भट्टराईको १००औं जन्यजयन्तीमा विरामीलाई फलफूल वितरण

सोमबार, पुस ८, २०८१ बागेश्वरी पोस्ट

नेपालगञ्ज । नेपाली कांग्रेस क्षेत्र नम्बर २ बाँकेले पार्टीका संस्थापक नेता स्वर्गीय कृष्णप्रसाद भट्टराईको १००औं जन्यजयन्तीमा विरामीलाई फलफूल वितरण गरेको छ । पूर्व पार्टी सभापति एवम् पूर्व प्रधानमन्त्री भट्टराईको स्मृतिमा फत्तेबाल आँखा अस्पतालका विरामीलाई फलफूल वितरण गरिएको हो ।

क्षेत्रीय सभापति रमेश कुमार गुप्ताको सभापतित्व एवम् स्वास्थ्य मन्त्री प्रदिप पौडेलको प्रमुख आतिथ्यतामा सम्पन्न कार्यक्रममा कांग्रेस केन्द्रिय सदस्य मैकुलाल बाल्मिकी, कांग्रेस लुम्बिनी प्रदेश सभापति अमरसिंह पुन, कांग्रेस बाँकेका सभापति नारायण प्रसाद गौडेल, सांसद आशा विक, संविधानसभा सदस्य गोपाल दहित, लुम्बिनी प्रदेशका पूर्व मन्त्री सुरेन्द्र हमाल, जिल्ला समन्वय समिति उपप्रमुख सिता कार्की, कोहलपुर नगर प्रमुख पुर्णप्रसाद आचार्य, फत्तेबाल आँखा अस्पतालका प्रबन्ध निर्देशक कौशलकुमार बर्मा लगायतको उपस्थिति थियो ।

कार्यक्रममा बोल्दै मन्त्री पौडेलले सन्त र शालिन नेता स्वर्गीय भट्टराई कांग्रेसको आदर्श रहेको बताए । भट्टराईको आदर्श कांग्रेसका जीवन भएको उनको भनाई छ । कार्यक्रम सञ्चालन क्षेत्रीय सचिव प्रदिप साहुले गरेका थिए ।

May be an image of 8 people May be an image of 9 people and car