बह्मकुमारी इश्वरी विश्वविद्यालयद्वारा पत्रकार महासंघका नवनिर्वाचित पदाधिकारीलाई सम्मान

समाचार

गृहपृष्ठ
समाचार
बह्मकुमारी इश्वरी विश्वविद्यालयद्वारा पत्रकार महासंघका नवनिर्वाचित पदाधिकारीलाई सम्मान

बह्मकुमारी इश्वरी विश्वविद्यालयद्वारा पत्रकार महासंघका नवनिर्वाचित पदाधिकारीलाई सम्मान

सोमबार, पुस ८, २०८१ बागेश्वरी पोस्ट

नेपालगञ्ज । नेपालगञ्जस्थित ब्रह्मकुमारी इश्वरीय विश्वविद्यालय एवम् राजयोग प्रशिक्षण केन्द्रले नेपाल पत्रकार महासंघको लुम्बिनी प्रदेश र बाँके जिल्लाको नवनिर्वाचित कार्यसमितिलाई सम्मान गरेको छ । प्रशिक्षण केन्द्र प्रमुख बह्मकुमारी दुर्गाले बाँकेबाट पत्रकार महासंघ लुम्बिनीमा नवनिर्वाचित अध्यक्ष शुक्रऋषि चौलागाई, सचिव गोविन्द शर्मा, बाँके जिल्ला अध्यक्ष नवीन गिरी, उपाध्यक्षद्वय तिलक गाउँले र रेजिना मल्ल, सहसचिव भगतसिंह थारु, सदस्य सलामत अलि शेष लगायतलाई अबिर, माला र खादा लगाएर सम्मान गर्दै बधाई ज्ञापन गरेकी थिइन् । उनले मायाको चिनो समेत प्रदान गरेकी थिइन् ।

त्यस अवसरमा बोल्दै ब्रह्मकुमारी दुर्गाले असल र नवीनतम् काम गर्ने सफलता प्राप्त होस् भन्दै शुभकामना ब्यक्त गरेकी थिइन् । ध्यान, योग र साधनाले अलौकिक शान्ति प्राप्त हुने बताउँदै उनले पत्रकारहरुको जीवन निकै ब्यस्त हुने भएकाले तनाब र दबाबबाट मुक्त हुन ध्यान आवश्यक रहेकोमा जोड दिइन् । पत्रकार महासंघ लुम्बिनी प्रदेश अध्यक्ष शुक्रऋषि चौलागाई र बाँके जिल्ला अध्यक्ष गिरीले आध्यात्मिकता र नैतिक ज्ञानका लागि इश्वरीय विश्वविद्यालय निरन्तर लागिपरेको चर्चा गर्दै यो सम्मानले आफूहरुलाई सत्मार्ग र सत्कर्ममा हिंड्न प्रेरित गर्ने बताए । अध्यक्ष गिरीले जिल्लाका सम्पूर्ण पत्रकारहरुका लागि इश्वरीय विश्वविद्यालयसंग सहकार्य गरी विशेष ध्यान कक्षा सञ्चालन गर्ने उद्घोष गरेका थिए ।

ब्रह्मकुमार कृष्णले स्वागत मन्तब्य ब्यक्त गरेको कार्यक्रममा नेपाल पत्रकार महासंघका पूर्व केन्द्रिय सदस्य एवम् पूर्व जिल्ला अध्यक्ष झलक गैरे, साहित्यकार मणिरत्न अर्याल, पत्रकार महासंघ बाँके उपाध्यक्ष मल्ल, पत्रकार महासंघ रामेछाप उपाध्यक्ष तुलसीदेवी श्रेष्ठ लगायतले बोलेका थिए ।

May be an image of 12 people, hospital, dais and text