पत्रकार राइकालाई समाजवादी कोहलपुर नगर कमिटीको सम्मान

समाचार

गृहपृष्ठ
समाचार
पत्रकार राइकालाई समाजवादी कोहलपुर नगर कमिटीको सम्मान

पत्रकार राइकालाई समाजवादी कोहलपुर नगर कमिटीको सम्मान

मंगलबार, पुस ९, २०८१ बागेश्वरी पोस्ट

नेपालगञ्ज । कोहलपुरमा बसेर लामो समय पत्रकारिता गरेकी बिधुत्मा राईकालाई नेकपा एकीकृत समाजवादी कोहलपुर नगर कमिटीले स्वागत तथा सम्मान गरेको छ ।

नेपालगञ्जमा शनिबार भएको राष्ट्रिय दलित पत्रकार संघ नेपाल, लुम्बिनी प्रदेश दोस्रो अधिवेशनबाट लुम्बिनी प्रदेश कमिटी कोषाध्यक्षमा सर्बसम्मत निर्वाचित भएकी समाजवादी प्रेस संगठन नेपालकी सदस्य राईकालाई नेकपा एकीकृत समाजवादी पोलिटब्युरो सदस्य अशोक कोइराला र अब्दुल हुँसैन खान, केन्द्रिय सदस्य नारायणी ओली, कोहलपुर नगर कमिटी अध्यक्ष शिव डाँगी, हिमलाल घिमेरे, समाजवादी प्रेस संगठन केन्द्रीय सदस्य कुशल दलामी, जिल्ला अध्यक्ष लोकनाथ शर्मा लगायतले खादा ओढाएर सम्मानपत्र प्रदान गरेर सम्मान गरेका हुन् ।

समाजवादी प्रेस संगठन केन्द्रिय सदस्य दलामीले संगठनमा आबद्धलाई उचित स्थान प्रदान गर्ने बताउँदै निर्वाचित राईकालाई स्वागत एवं सम्मान ब्यक्त गरे ।

प्रकाशित मिति: मंगलबार, पुस ९, २०८१ २१:१४

प्रतिक्रिया दिनुहोस्