'माधवी स्वास्थ्य पत्रकारिता पुरस्कार' का संस्थापक बैरागीको निधनप्रति दुःख ब्यक्त

समाचार

गृहपृष्ठ
समाचार
'माधवी स्वास्थ्य पत्रकारिता पुरस्कार' का संस्थापक बैरागीको निधनप्रति दुःख ब्यक्त

'माधवी स्वास्थ्य पत्रकारिता पुरस्कार' का संस्थापक बैरागीको निधनप्रति दुःख ब्यक्त

बुधबार, पुस १०, २०८१ बागेश्वरी पोस्ट

नेपालगञ्ज । नेपाल पत्रकार महासंघ बाँके शाखाले शाखामा स्थापित 'माधवी स्वास्थ्य पत्रकारिता अक्षयकोष पुरस्कार' का संस्थापक/दाता गोपाल बैरागीको निधनप्रति दुःख ब्यक्त गरेको छ ।

May be a black-and-white image of 1 person

बर्दियाको ठाकुरबाबा नगरपालिका वडा नम्बर ४ स्थायी घर भई हाल नेपालगञ्ज उपमहानगरपालिका वडा नम्बर १० शितलनगर बस्दै आएका बैरागीको निधनले बाँके शाखा स्तब्ध र मर्माहत भएको उल्लेख गरेको छ । सचिव कृष्ण वलीद्वारा जारी शोक बक्तब्यमा उनीप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनमा गहिरो समवेदना प्रकट गरिएको छ । ६६ बर्षको उमेरमा मंसिर ३० गते बैरागीको निधन भएको पत्रकार समेत रहेका उनका भाई सुदिप अधिकारीले बताए । उनी केही बर्षदेखि पिसाब नलीको क्यान्सरबाट पीडित रहेको अधिकारीले जानकारी दिए । उनका दुई छोरा छन् ।

May be an image of text

स्वास्थ्य क्षेत्रमा कलम चलाउने दुई जना पत्रकार (बाँके/बर्दिया) लाई बैरागीकी पत्नी स्वर्गीय माधवी शर्माको स्मृतिमा पुरस्कृत गर्ने उद्देश्यका साथ 'माधवी स्वास्थ्य पत्रकारिता अक्षयकोष पुरस्कार' स्थापना गरिएको हो । यसैबीच नेपाल पत्रकार महासंघ लुम्बिनी प्रदेशका अध्यक्ष शुक्रऋषि चौलागाई र बाँके शाखा अध्यक्ष नवीन गिरी आज शितलनगरस्थित बैरागीको निवासमा पुगेर भावपूर्ण श्रद्धाञ्जली ब्यक्त गर्दै परिवारजनमा समवेदना प्रकट गरेका छन् । चौलागाई शाखा अध्यक्ष हुँदा उक्त अक्षयकोष स्थापना गरिएको थियो ।

प्रकाशित मिति: बुधबार, पुस १०, २०८१ २०:००

प्रतिक्रिया दिनुहोस्