पत्रकार महासंघका नवनिर्वाचित पदाधिकारीलाई नेपालगञ्ज-४ को बधाई

समाचार

गृहपृष्ठ
समाचार
पत्रकार महासंघका नवनिर्वाचित पदाधिकारीलाई नेपालगञ्ज-४ को बधाई

पत्रकार महासंघका नवनिर्वाचित पदाधिकारीलाई नेपालगञ्ज-४ को बधाई

बिहीबार, पुस ११, २०८१ बागेश्वरी पोस्ट

नेपालगञ्ज । नेपालगञ्ज उपमहानगरपालिका वडा नम्बर ४ ले नेपाल पत्रकार महासंघका नवनिर्वाचित पदाधिकारी एवम् सदस्यलाई बधाई ज्ञापन गर्दै सम्मान गरेको छ । वडा कार्यालय सल्यानीबागमा आज आयोजित एक कार्यक्रमका बीच बाँकेबाट लुम्बिनी प्रदेश अध्यक्षमा निर्वाचित शुक्रऋषि चौलागाई तथा पदाधिकारी र सदस्य एवम् अध्यक्ष नवीन गिरी नेतृत्वको बाँके शाखाको टिमलाई बधाई ज्ञापन गर्दै सफल कार्यकालको शुभकामना ब्यक्त गरिएको हो ।

वडा अध्यक्ष गोपाल पुनको अध्यक्षता एवम् लुम्बिनी प्रदेश सरकारकी पूर्व मन्त्री एवम् प्रदेशसभा सदस्य कृष्णा केसी 'नमुना' को प्रमुख आतिथ्यतामा आयोजित कार्यक्रममा हालै भारतमा सम्पन्न बडी बिल्डिंग प्रतियोगितामा चौथो स्थान प्राप्त गरेका नेपालगञ्जका खेलाडी सलिम कुरैसी रियानलाई नगद ११ हजार रुपैयाँसहित सम्मान समेत गरिएको थियो । रियानले १४५ देशबीच भएको प्रतिष्पर्धामा चौथो स्थान हासिल गरेका थिए । नमुना र पुनले अबिर र खादा लगाई बधाई ज्ञापनसहित मायाको चिनो प्रदान गरेका थिए ।

कार्यक्रममा बोल्दै प्रमुख आतिथि नमुनाले पत्रकारिता र खेलका माध्यमबाट समाजमा योगदान दिइरहेका पत्रकार र खेलाडीलाई बधाई ज्ञापन गर्दै सम्मान गर्न पाउँदा खुसी लागेको बताइन् । उनले निष्पक्ष, स्वतन्त्र र निर्भिक पत्रकारिताका माध्यमबाट पत्रकारहरुले समाज रुपान्तरणमा अहम् भूमिका खेलिरहेको चर्चा गरिन् । वडा अध्यक्ष पुनले पत्रकार महासंघसंग सहकार्य गरेर जाने प्रतिबद्धता ब्यक्त गरे । उनले आफ्नो वडामा रहेको पत्रकार महासंघको कार्यालय संरक्षण र सम्बद्र्धन गर्नु आफ्नो दायित्व भएको बताए ।

पत्रकार महासंघ लुम्बिनी प्रदेश अध्यक्ष चौलागाई र जिल्ला अध्यक्ष गिरीले पत्रकार महासंघ बाँकेको भवन वडा नम्बर ४ मै रहेकाले यसको संरक्षण-संबद्र्धनसंगै पत्रकारहरुको क्षमता विकास तथा मिडियाको बृत्ति विकासमा हातेमालो र सहकार्य गर्न आग्रह गरेका थिए । कार्यक्रममा वडा सदस्य रुमिता श्रेष्ठले स्वागत मन्तब्य ब्यक्त गरेकी थिइन् । कार्यक्रमको सञ्चालन वडा सचिव सुरेश पुनले गरेका थिए । त्यस अवसरमा वडा सदस्यहरु उत्तम सिंह सिजापति, मोहम्मद सलिम मुसलमान लगायतको उपस्थिति थियो ।

May be an image of 10 people and text