कांग्रेस राप्तीसोनारी वडा नम्बर २ को तेस्रो वडा सम्मेलन सम्पन्न

राजनीति

गृहपृष्ठ
राजनीति
कांग्रेस राप्तीसोनारी वडा नम्बर २ को तेस्रो वडा सम्मेलन सम्पन्न

कांग्रेस राप्तीसोनारी वडा नम्बर २ को तेस्रो वडा सम्मेलन सम्पन्न

सोमबार, पुस १५, २०८१ बागेश्वरी पोस्ट

नेपालगन्ज । नेपाली कांग्रेस राप्तीसोनारी गाउँपालिका वडा नम्बर २ बाँकेले आज तेस्रो वडा सम्मेलन सम्पन्न गरेको छ । वडा सभापति नन्दलाल बस्नेतको अध्यक्षता एवम् नेपाली कांग्रेस बाँकेका सभापति नारायण प्रसाद गौडेलको प्रमुख आतिथ्यतामा वडा सम्मेलन सम्पन्न भएको हो ।

नेपाली कांग्रेस बाँकेको चार महिने अभियान एवम् नेपाली कांग्रेस केन्द्रीय कार्यसमितिको सय दिने अभियान अन्तर्गत वडा स्तरीय कार्यक्रमकै बीच तेस्रो वडा सम्मेलन पनि सम्पन्न गरिएको वडा सभापति बस्नेतले बताए । कांग्रेस विधान अनुसार प्रत्येक वर्ष सबै तहको वार्षिक सम्मेलन गर्नुपर्दछ । कांग्रेस बाँकेले गत भदौ २४ गतेदेखि सुरु गरेको चार महिने अभियान पुस मसान्तसम्म चल्नेछ भने असोज ७ गतेदेखि सुरु भएको केन्द्रको सय दिने अभियान भोलि पुस १६ गते सकिँदैछ ।

वडा स्तरीय कार्यक्रम तथा वडा सम्मेलनमा राप्तीसोनारी गाउँपालिका अध्यक्ष एवम् कांग्रेस बाँकेका निवर्तमान सचिव तप्तबहादुर पौडेल, कांग्रेस बाँके प्रबक्ता डिल्ली गिरी, जिल्ला सदस्य देव बहादुर खाण, क्षेत्र नम्बर १ का क्षेत्रीय सचिव खुम बहादुर बस्नेत, राप्तीसोनारी गाउँपालिका सभापति भिम बहादुर राना क्षेत्री लगायतको उपस्थिति थियो ।

May be an image of one or more people, crowd and temple

त्यस अवसरमा विभिन्न पार्टी परित्याग गरी ६१ जना नेपाली कांग्रेसमा प्रवेश गरेका छन् । नेकपा एमाले, नेकपा माओवादी, राप्रपा, जनता समाजवादी पार्टी, राष्ट्रिय जनमोर्चा लगायतका पार्टी परित्याग गरी कांग्रेस प्रवेश गरेकाहरुलाई सभापति गौडेल लगायत अतिथिहरुले स्वागत गरेका थिए । कार्यक्रमलाई सम्बोधन गर्दै सभापति गौडेलले संगठन विस्तार र सुदृढीकरणका लागि आ-आफ्नो क्षेत्रमा केन्द्रित भई काम गर्न नेताहरुलाई आग्रह गरेका छन् ।

May be an image of 1 person and crowd