लुम्बिनी कप महिला फूटबल प्रतियोगिताको कानुनी सल्लाहकारमा शाह मनोनित

खेलकुद

गृहपृष्ठ
खेलकुद
लुम्बिनी कप महिला फूटबल प्रतियोगिताको कानुनी सल्लाहकारमा शाह मनोनित

लुम्बिनी कप महिला फूटबल प्रतियोगिताको कानुनी सल्लाहकारमा शाह मनोनित

बुधबार, पुस १७, २०८१ बागेश्वरी पोस्ट

नेपालगञ्ज । अन्तरालको आयोजनामा नेपालगन्जमा हुन लागेको प्रथम लुम्बिनी कप महिला फुटबल प्रतियोगिताको कानुनी सल्लाहकारमा बरिष्ठ अधिवक्ता लोकबहादुर शाहलाई मनोनयन गरिएको छ ।

बरिष्ठ अधिवक्ता शाह नेपाल बार एसोसिएशन पुनरावेदन अदालत नेपालगञ्जका पूर्व अध्यक्ष हुन् । राजनीतिक विश्लेषकको पहिचान समेत बनाएका शाहका सामाजिक, राजनीतिक र कानुनका विषयमा विभिन्न लेख, रचना प्रकाशित हुने गरेका छन् ।

अन्तरालका कार्यकारी प्रमुख जयनारायण शाहले बरिष्ठ अधिवक्ता शाहलाई लुम्बिनी कप महिला फुटबलको कानुनी सल्लाहकारमा मनोनयन गर्न पाउँदा खुसी लागेको बताएका छन् ।

यसैबीच लुम्बिनी कप महिला फुटबल प्रतियोगिता आयोजक टीमले प्रतियोगिता संचालनको विविध पक्षबारे स्थलगत छलफल गरेको छ । नेपालगञ्ज रंगशालाको पूर्वाधारको निरीक्षण पश्चात बसेको बैठकले रंगशाला प्याराफिटको सरसफाई तथा रंगरोगन, खेल मैदानको सुधार, टिकट विक्रीको व्यवस्थापन, अतिथि, प्राविधिक टोली, खेल पदाधिकारी तथा खेलाडीहरुको उचित व्यवस्थापन लगायतका बिषयमा छलफल गरेको थियो ।

प्रकाशित मिति: बुधबार, पुस १७, २०८१ १२:२४

प्रतिक्रिया दिनुहोस्