बैजनाथमा दुई दर्जन बढी एमाले कार्यकर्ता कांग्रेसमा प्रवेश

राजनीति

गृहपृष्ठ
राजनीति
बैजनाथमा दुई दर्जन बढी एमाले कार्यकर्ता कांग्रेसमा प्रवेश

बैजनाथमा दुई दर्जन बढी एमाले कार्यकर्ता कांग्रेसमा प्रवेश

आइतबार, पुस २१, २०८१ बागेश्वरी पोस्ट

बैजनाथ (बाँके) । बाँकेको बैजनाथमा दुई दर्जन बढी स्थानीय एमाले कार्यकर्ता नेपाली काँग्रेसमा प्रवेश गरेका छन् । काँग्रेसको बिचार, नीति तथा सिद्धान्तलाई आत्मसाथ गर्दै उनीहरु कांग्रेसमा प्रवेश गरेका हुन् । नेपाली कांग्रेस बैजनाथ-४ का कोषाध्यक्ष अमर बिसीको अध्यक्षतामा भएको कार्यक्रममा उनीहरु कांग्रेसमा प्रवेश गरेका हुन् । कार्यक्रमका प्रमुख अतिथि नेपाली कांग्रेस बाँकेका युवा नेता महासमिति सदस्य मेघराज ओलीले नवप्रवेशीहरुलाई पार्टीको सदस्यता प्रदान गरेका थिए ।

महासमिति सदस्य ओलीले नेपाली जनताको स्वतन्त्रताका लागि बलिदानीपूर्ण संघर्षको सुनौलो इतिहास रचना गर्न सफल भएको बताउँदै नेपाली कांग्रेसप्रति जनताको अविरल बिश्वास कायमै रहेको बताए । ओलीले मुलुकमा जतिसुकै दलहरू खोलिए पनि लोकतान्त्रिक आन्दोलनको मियो दल कांग्रेस बिना उन्नतशील लोकतन्त्रको संस्थागत विकास र नागरिक समृद्धिको सपना साकार नहुने दाबी गरे ।

नेपाली कांग्रेस ३ (क) का सभापति केशव शाहले बाँकेका जनताको आर्थिक स्तर सुदृढ बनाउन सक्ने सिक्टा सिंचाई आयोजना र बबई डाइभर्सन आयोजना सफल बानाउन कांग्रेस लामो समयदेखि लागिरपरेको बताए । वडा नम्बर ४ का अध्यक्ष समेत रहेका क्षेत्रीय सदस्य प्रेमबहादुर शाहीले वडाको विकासमा आफूहरु कहिँकतै आग्रही- पूर्वाग्रही नबनेको उल्लेख गर्दै जनताको आवश्यकतालाई उच्च प्राथमिकतामा राखेर भौतिक पूर्बाधार लगायत अन्य सेवाहरु प्रवाह गरेको दाबी गरे ।

नेपाली कांग्रेस ४ का युवा नेता कुलबहादुर ओलीले संचालन गरेको पार्टी प्रवेश कार्यक्रममा क्षेत्रीय सचीव ज्ञान बहादुर ओली, बैजनाथ सभापति देब बहादुर केसी लगायतले नबप्रवेशीहरुलाई पार्टीमा अबिर लगाएर स्वागत गरेका थिए ।

कोषाध्यक्ष बिसीका अनुसार नेकपा एमाले परित्याग गर्नेहरूमा शेरबहादुर ओली, बिनोद थापा, मान बहादुर बुढा, प्रदीप बुढा, नरेन्द्र धिताल, ज्वाला उपाध्याय, मनिशा बिसी, रामकुमारी रोकाय, रेशमी बुढा, रोयन रोकाय, कृष्ण रावल, नवीन शाही, राजकली रोकाय, पदमी बुढा, राम कुमारी रोकाय, यशोदा थापा, बर्क्षम बुढा, भिम बहादुर बुढा लगायत दुई दर्जन बढी रहेका छन् ।

प्रकाशित मिति: आइतबार, पुस २१, २०८१ १७:२०

प्रतिक्रिया दिनुहोस्