ट्राफिक नियम सम्बन्धि सचेतनामा युवा स्वयम् सेवक

समाचार

गृहपृष्ठ
समाचार
ट्राफिक नियम सम्बन्धि सचेतनामा युवा स्वयम् सेवक

ट्राफिक नियम सम्बन्धि सचेतनामा युवा स्वयम् सेवक

बुधबार, पुस २४, २०८१ बागेश्वरी पोस्ट

नेपालगञ्ज । सडक ब्यवस्थापनका लागि नेपालगञ्जमा ट्राफिक नियम सम्बन्धि सचेतनामूलक कार्यक्रम गरिएको छ । बास नेपालको आयोजना तथा ट्राफिक प्रहरी कार्यालय नेपालगञ्जको सहकार्यमा बास आबद्ध युवा स्वयम् सेवकहरुले सचेतनामूलक कार्यक्रम गरेका हुन् ।

अभियानको क्रममा ट्राफिक नियमको पालना नगर्ने सवारी धनीलाई नियमको बारेमा जानकारी गराउने, जेब्रा क्रसिंग र सडकपेटीबाट मात्रै ओहोरदोहोर गर्न पैदल यात्रुहरुलाई सचेत गराउने, सडकपेटी अतिक्रमण भएको स्थान खाली गर्न ब्यवसायीहरुलाई जानकारी गराएका थिए ।

नेपालगञ्जको गणेशमान चोकबाट शुरु भएको कार्यक्रमको उद्घाटनमा बोल्दै ट्राफिक प्रहरी कार्यालय नेपालगञ्जका प्रमुख प्रबिण आचार्यले ट्राफिक ब्यवस्थापनमा सघाउनु हरेक नागरिकको दायित्व भएको बताए । उनले बास नेपालले ट्राफिक सचेतनाका लागि गरेको सहकार्यले ट्राफिक ब्यवस्थापनमा सहयोग पुग्ने विश्वास ब्यक्त गरे । यसैगरी कार्यक्रममा बोल्दै बासका कार्यकारी निर्देशक नमस्कार शाहले ट्राफिक नियमको पालना गर्न सचेतना प्रदान गर्ने उद्देश्यले युवा स्वयम् सेवक समूह परिचालन गरिएको बताए । उनले ट्राफिक प्रहरीसँगै युवाहरुले सडकमा ट्राफिक ब्यवस्थापनका लागि कार्य गर्ने बताए ।

युवाहरुले आज गणेशमान चोकमा १ घण्टा ट्राफिक ब्यवस्थापन कार्य गरेका थिए भने गणेशमान चोकदेखि बीपी चोकसम्म ट्राफिक नियमका बारेमा जानकारीसहित सचेतना अभियान सञ्चालन गरेका थिए । सो क्रममा बास स्वयम् सेवक समूहका एक दर्जन बढी युवाहरुको सहभागिता रहेको सूचना अधिकारी हेमराज भट्टले बताए ।

प्रकाशित मिति: बुधबार, पुस २४, २०८१ २०:०८

प्रतिक्रिया दिनुहोस्