रवि र छविलाई धरौटीमा रिहा गर्न आदेश

समाचार

गृहपृष्ठ
समाचार
रवि र छविलाई धरौटीमा रिहा गर्न आदेश

रवि र छविलाई धरौटीमा रिहा गर्न आदेश

बिहीबार, पुस २५, २०८१ बागेश्वरी पोस्ट

काठमाडौँ । रवि लामिछानेलाई जिल्ला अदालत कास्कीले धरौटीमा रिहा गर्न आदेश दिएको छ । पोखरास्थित सूर्यदर्शन सहकारी ठगी प्रकरणमा रास्वपाका सभापति लामिछानेलाई ६५ लाख रुपैयाँ धरौटीमा रिहा गर्न आदेश दिएको छ । जिल्ला अदालत कास्कीका न्यायाधीश नीतिज राईको इजलासमा भएको थुनछेक बहसपछि अदालतले बिहीबार उनलाई धरौटीमा रिहा गर्न आदेश दिएको हो ।

त्यस्तै पोखराको सूर्यदर्शन सहकारी प्रकरणमा पूर्व डीआईजी छविलाल जोशीलाई पनि धरौटीमा छाड्न अदालतले आदेश दिएको छ । जिल्ला अदालत, कास्कीका न्यायाधीश नीतिज राईको इजलासले बिहीबार उनलाई ८८ लाख लाख रुपैयाँ धरौटीमा छाड्न आदेश दिएको हो । सहकारीको बचत रकम अपचलन मुद्दामा बहस आजै सकिएको थियो । न्यायाधीश राईको इजलासमा गत पुस १६ गतेदेखि उक्त मुद्दाका प्रतिवादीहरूको थुनछेक बहस चलेको थियो ।

लामिछानेसहित उक्त सहकारी ठगीको मुद्दामा जोडिएका पूर्व डिआइजी जोशी, लीला पछाई, कृष्णबहादुर गुरुङ, रामबहादुर खनाल लगायतमाथि थुनछेक बहस भएको हो । गत पुस ७ गते जिल्ला सरकारी वकिलको कार्यालयले सहकारीको रकम अपचलनको आरोपमा रास्वपा सभापति लामिछानेसहित ४४ जनाविरुद्ध मुद्दा दायर गरेको थियो । सभापति लामिछानेमाथि सहकारी ठगीसँगै सङ्गठित अपराध र सम्पत्ति शुद्धीकरण कसुरमा समेत मुद्दा दायर भएको थियो । लामिछानेसहित १९ जनाविरुद्ध सङ्गठित अपराधमा समेत मुद्दा चलाइएको जिल्ला सरकारी वकिलको कार्यालयले जनाएको छ । यस्तै लामिछानेसँगै खनाल, जोशी र पछाईविरुद्ध सम्पत्ति शुद्धिकरणमा पनि मुद्दा दायर गरिएको थियो ।

प्रकाशित मिति: बिहीबार, पुस २५, २०८१ १८:२९

प्रतिक्रिया दिनुहोस्