लायन्स क्लबका संस्थापक जोन्सको जन्मजयन्तिमा निल सागरलाई साढे चार लाख बराबरको सहयोग

समाचार

गृहपृष्ठ
समाचार
लायन्स क्लबका संस्थापक जोन्सको जन्मजयन्तिमा निल सागरलाई साढे चार लाख बराबरको सहयोग

लायन्स क्लबका संस्थापक जोन्सको जन्मजयन्तिमा निल सागरलाई साढे चार लाख बराबरको सहयोग

सोमबार, पुस २९, २०८१ बागेश्वरी पोस्ट

नेपालगञ्ज । लायन्स क्लब अन्तर्राष्ट्रियका संस्थापक मेल्भिन जोन्सको १४६औं जन्जजयन्तिका अवसरमा निल सागर मानव सेवा आश्रममा साढे चार लाख बराबरको सहयोग गरिएको छ । एरिया नम्बर ४ का लायन्स क्लबहरुले निल सागर मानव सेवा आश्रममा विभिन्न सहयोग गरेका हुन् ।

May be an image of 5 people and text

लायन्स क्लब अफ नेपालगञ्ज सिनर्जीको आयोजनामा आज विहान निल सागर मानव सेवा आश्रममा ४०० थान न्यानो कपडा र करीब ३६ हजार बराबरको खाद्यान्न सहयोग तथा ११ हजार १ सय ११ रुपैयाँ बराबरको विहानको खानाको व्यवस्था गरिएको लायन्स क्लब आफ नेपालगञ्ज सिनर्जीका संस्थापक अध्यक्ष शिव प्रसाद दाहालले जानकारी दिए । निल सागर सेवा आश्रमकी संस्थापक सरिता खनाललाई न्यानो कपडा र खाद्यान्न हस्तान्तरण गरिएको थियो ।

कार्यक्रममा पूर्व गभर्नर शेमराज शाक्य, मधुसुदन रिजाल, निवर्तमान गभर्नर मुकुट ढकाल, भावी गभर्नर ज्ञानेन्द्र श्रेष्ठ, अगुवा लायन्यकर्मीहरु कृष्ण प्रसाद श्रेष्ठ, उमा थापा मगर, नरेन्द्र श्रेष्ठ, सुन्दर गुरुंग, सुष्मा महर्जन, विष्णु प्रसाद श्रेष्ठ, लगायतको उपस्थिति थियो । कार्यक्रम क्लबका अध्यक्ष घनश्याम थापाको अध्यक्षतामा सम्पन्न भएको थियो ।

May be an image of 8 people

लायन्स क्लब अन्तर्राष्ट्रियका संस्थापक मेल्भिन जोन्सको पुस २३ गतेदेखि सप्ताहब्यापी जन्मजयन्ति मनाउने क्रममा आज साँझ लायन्स क्लब अफ नेपालगञ्ज सिनर्जी र लायन्स क्लब अफ नेपालगन्ज बागेश्वरीको आयोजनामा न्युरोडस्थित भानुभक्त चोकमा आदिकवि भानुभक्त आचार्यको अर्ध कदको शालिक अगाडि दीप प्रज्वलन गरिएको छ । अर्ध कदको शालिक लायन्स क्लब अफ सिनर्जीले निर्माण गरेको हो ।

May be an image of 7 people May be an image of 3 people