प्रदेश नम्बर ५ मा महिला हिंसाका घटना सबैभन्दा धेरै

समाचार

गृहपृष्ठ
समाचार
प्रदेश नम्बर ५ मा महिला हिंसाका घटना सबैभन्दा धेरै

प्रदेश नम्बर ५ मा महिला हिंसाका घटना सबैभन्दा धेरै

आइतबार, फागुन २५, २०७६ बागेश्वरी पोस्ट

तस्बिर : गुगल

नेपालगन्ज । प्रदेश नम्बर ५ मा महिला हिंसाका घटना नेपालमै सबैभन्दा बढी घट्ने गरेको एक तथ्याङ्कले देखाएको छ ।

१ सय १० औँ अन्तर्राष्ट्रिय श्रमिक महिला दिवसको अवसरमा इन्सेकले सार्वजनिक गरेको प्रतिवेदन अनुसार ५ नं। प्रदेशका महिलाहरुमाथी सबैभन्दा बढि हिंसा हुने गरेको छ । सन् २०१९ मा प्रदेश ५ मा ९ सय ८६ जना महिला पीडित भएका थिए ।

प्रदेश ५ मा बलात्कार तथा यौन दुर्व्यवहारबाट २ सय २० बालिका र १ सय २९ महिला पीडित भएका थिए । त्यसैगरी सन् २०१८ मा पनि सबै भन्दा बढी प्रदेश ५ मा ७ सय ३६ जना महिला हिंसा घटनामा पीडित भएको तथ्यांक इन्सेकले सार्वजनिक गरेको थियो । सन् २०१९ मा पेशागत आधारमा हेर्ने हो भने नेपालमा सबै भन्दा बढी पीडित हुनेमा १३ सय ३८ जना कृषक महिला र १९ सय ८४ जना गृहणी महिला रहेका छन्।

आर्थिक उपार्जनको कुनै बाटो नभएका महिला बाध्य भएर आफुमाथि कुटपिट र हिंसा गर्ने परिवारजनका सदस्यसँग मिलापत्र गर्न बाध्य हुनु परेको छ ईन्सेकले जनाएको छ । मानव अधिकार अनुगमन र मानव अधिकार उल्लङ्घन तथा ज्यादतीका घटनाहरूको अनुगमन गर्दै आएको अनौपचारिक क्षेत्र सेवा केन्द्र (इन्सेक)ले सन् २०१९ मा महिला तथा बालिकाविरूद्ध भएका हिंसात्मक घटनाहरूमा वृद्धि भएको जनाएको छ।

प्रदेश ५ का सबै जिल्लाबाट प्राप्त घटनाहरूलाई अभिलेखिकरण गरी तथ्याङ्क सार्वजनिक गरीएको इन्सेक ५ नं। प्रदेशका संयोजक भोला महतले जानकारी दिए ।

प्रकाशित मिति: आइतबार, फागुन २५, २०७६ १८:४६

प्रतिक्रिया दिनुहोस्