नेपालगञ्जमा गैरकानुनी कारोबार गर्ने मेडिकल 'शिल'

स्वास्थ्य

गृहपृष्ठ
स्वास्थ्य
नेपालगञ्जमा गैरकानुनी कारोबार गर्ने मेडिकल 'शिल'

नेपालगञ्जमा गैरकानुनी कारोबार गर्ने मेडिकल 'शिल'

शुक्रबार, माघ ४, २०८१ बागेश्वरी पोस्ट

नेपालगञ्ज । जिल्ला प्रशासन कार्यालय बाँकेले गैरकानुनी कारोबार हुने गरेको नेपालगञ्जस्थित एक मेडिकललाई शिल गरेको छ । नेपालगञ्ज उपमहानगरपालिका १ स्थित मिना मेडिकल हललाई आज बाँकेका सहायक सीडिओ उमाकान्त अधिकारीको नेतृत्वमा गएको टोलीले शिल गरेको जिल्ला प्रशासन कार्यालय बाँकेले जानकारी दिएको छ ।

मिना मेडिकलमा गैरकानुनी कारोबार हुने गरेको गोप्य सूचना पाएर सहायक सीडिओ अधिकारीको नेतृत्वमा गएको अनुगमन टोलीले मेडिकल बन्द रहेको अवस्थामा पटकपटक सञ्चालकलाई फोन गरेर मेडिकल खोल्न आग्रह गर्दा अटेरी गर्दै मेडिकल खोल्न नमानेपछि शिल गरेको हो । जिल्ला प्रशासन कार्यालय बाँकेले दिएको जानकारी अनुसार मेडिकल सञ्चालकलाई धेरै पटक फोन गरेर मेडिकल खोल्न आग्रह गर्दा आधा घण्टाभित्र मेडिकल खोल्न आइपुग्ने फोनमा जानकारी गराएका थिए ।

तर, पटक पटक सम्पर्क गर्दा पनि अनुगमन टोलीलाई चार घण्टासम्म कुराएर फोन सम्पर्क हुन नसक्ने बनाउँदा जिल्ला प्रशासन कार्यालयले बाध्य हुँदै अर्को निर्णय नहुन्जेलसम्मका मेडिकल शिल गरेको जनाएको छ ।

प्रकाशित मिति: शुक्रबार, माघ ४, २०८१ २०:५९