कोहलपुरमा अल्मुनाई मिटअप कार्यक्रम

समाचार

गृहपृष्ठ
समाचार
कोहलपुरमा अल्मुनाई मिटअप कार्यक्रम

कोहलपुरमा अल्मुनाई मिटअप कार्यक्रम

शनिबार, माघ ५, २०८१ बागेश्वरी पोस्ट

नेपालगञ्ज । बालिका शिक्षा कार्यक्रम अन्तर्गत कोहलपुरमा अल्मुनाई मिटअप कार्यक्रम सम्पन्न भएको छ । बास नेपालले रुम टु रिडको आर्थिक तथा प्राविधिक सहयोगमा आयोजना गरेको यो कार्यक्रममा कक्षा १२ पास अर्थात (अल्मुनाई) बालिकाहरूलाई एकै ठाउँमा भेला गराइएको थियो । रुम टु रिडले हरेक वर्ष आयोजना गर्दै आएको यस कार्यक्रमले बालिकाहरूको प्रगतिबारे जानकारी लिने, सफलताका कथा आदानप्रदान गर्ने तथा आपसी सम्बन्धलाई सुदृढ गर्ने उद्देश्य राखेको छ ।

कोहलपुर र बैजनाथका विभिन्न विद्यालयमार्फत बालिका शिक्षा कार्यक्रमबाट कक्षा १२ उत्तीर्ण गरेर क्याम्पस तथा विभिन्न क्षेत्रमा सक्रिय बालिकाहरूको सहभागितामा कार्यक्रम सम्पन्न भएको थियो । कार्यक्रम उद्घाटन गर्दै रुम टु रिडका बरिष्ठ फिल्ड कार्यक्रम प्रबन्धक खड्ग बहादुर कुँवरले ठूलो संख्यामा अल्मुनाईहरूसँग भेटघाट गर्न पाउँदा खुशी लागेको बताए । उनले कार्यक्रमले अल्मुनाईहरूबीच अनुभव आदानप्रदानका लागि विशेष अवसर प्रदान गर्ने उल्लेख गरे ।

बास नेपालकी केन्द्रीय कोषाध्यक्ष कल्पना अधिकारीले बालिका शिक्षा कार्यक्रमको अल्मुनाई व्यक्तित्वहरूको कथा सुन्दा गर्व महसुस भएको बताइन् । कार्यक्रममा क्यारियर काउन्सिलिङ र उत्प्रेरणाका विषयमा कार्यक्रम संयोजक हेमराज भट्टले प्रस्तुति दिएका थिए । वरिष्ठ सामाजिक परिचालक सुस्मिता लामाको सहजीकरणमा भएको कार्यक्रममा सहभागी बालिकाहरूले आफ्नो अनुभव र प्रेरणाका कथा सुनाए ।

अनुभव र प्रेरणादायक कथा आदानप्रदान

सिर्जना थारु, नितु सुनार, मिना बुढाथोकी, संगिता सुनार, सिता बुढा, कबिता गुरुङ, एकता भण्डारी र टिका डाँगी लगायत सहभागीहरूले बालिका शिक्षा कार्यक्रमले आफ्नो जीवनमा ल्याएको सकारात्मक परिवर्तनबारे बताए । उनीहरूले जीवन जिउने कला, बोल्ने सीप, निर्णय क्षमताको विकास र समस्या समाधान गर्न सिकेको अनुभव सुनाए ।

कार्यक्रममा अल्मुनाईहरूको प्रतिभा उजागर गर्न ट्यालेन्ट शो पनि गरिएको थियो । कुल ६० जना अल्मुनाईहरूको सक्रिय सहभागितामा कार्यक्रम सफलतापूर्वक सम्पन्न भएको बास नेपालका सूचना अधिकारी हेमराज भट्टले बताए ।

प्रकाशित मिति: शनिबार, माघ ५, २०८१ २०:३०

प्रतिक्रिया दिनुहोस्