डिजिटल मिडियामा महिला सहभागिता, अवसर र चुनौतीबारे छलफल

समाचार

गृहपृष्ठ
समाचार
डिजिटल मिडियामा महिला सहभागिता, अवसर र चुनौतीबारे छलफल

डिजिटल मिडियामा महिला सहभागिता, अवसर र चुनौतीबारे छलफल

आइतबार, माघ ६, २०८१ बागेश्वरी पोस्ट

नेपालगञ्ज । डिजिटल मिडियामा महिलाको सहभागिता बृद्धिका लागि समन्वयात्मक पहलको आवश्यकता रहेको नेपालगन्जमा आयोजित एक कार्यक्रममा जोड दिइएको छ । सण्डे कल्बलाई निरन्तरता दिँदै क्रियाशिल पत्रकार महिला बाँकेले आज आयोजना गरेको डिजिटल मिडियामा महिला सहभागिता, अबसर र चुनौती बिषयक अन्तरक्रिया कार्यक्रमका सहभागीहरुले यस्तो कुरामा जोड दिएका हुन् ।

क्रियाशिल पत्रकार महिला बाँकेका अध्यक्ष साबित्री गिरीको अध्यक्षतामा भएको कार्यक्रमको उदघाट्न गर्दे नेपाल पत्रकार महासंघ लुम्बिनी प्रदेशका अध्यक्ष शुक्रऋषि चौलागाईले डिजिटल मिडियामा महिला सहभागिता बृद्धिका लागि पहल थाल्ने प्रतिबद्धता ब्यक्त गरे । उनले पत्रकार महिलाहरुको आवश्यकता अनुसार डिजिटल प्लेटफर्ममा अग्रसर भएर लागिपर्ने पत्रकार महिलाहरुलाई विश्वास दिलाए ।

कार्यक्रममा नेपाल पत्रकार महासंघका पूर्व केन्द्रिय सदस्य झलक गैरेले डिजिटल मिडिया अहिलेको आवश्यकता भएकाले यसलाई कसरी सदुपयोग गर्ने र यसको प्रयोग कसरी गर्ने भन्ने कुरा मुख्य बिषय रहेको बताए । उनले डिजिटल मिडियामा प्रस्तुत गरिने बिषय र प्रसंङ्गले धेरै प्रभाव पार्ने बताए । कार्यक्रममा क्रियाशिल पत्रकार महिला बाँकेका संस्थापक सचिव तथा पूर्व अध्यक्ष उमा थापा मगरले पत्रकार महिलाहरुले डिजिटल प्लेटफर्मको प्रयोग गर्दै आफूलाई दक्ष बनाएर अगाडि बढ्नुपर्ने आवश्यकता औंल्याइन् । उनले पत्रकारिता गरिरहँदा देखिएका चुनौतीहरुलाई समाधान गर्दै डिटिटल प्लेटफर्मको प्रयोग गरेर संचार जगतमा पनि राम्रो संभावना रहेको बताइन् ।

कार्यक्रममा नेपाल पत्रकार महासंघ बाँकेका पूर्व अध्यक्ष निरज गौतमले समस्या भित्र संभावना खोजेर अगाडि बढ्नुको बिकल्प नरहेको बताउँदै डिजिटल मिडिया अहिलेको जल्दोबल्दो बिषय भएको बताए । कार्यक्रममा नेपाल पत्रकार महासंघ लुम्बिनी प्रदेशका सचिव सरला सुवेदी, नेपाल पत्रकार महासंघ बाँकेका अध्यक्ष नवीन गिरी, नेपाल प्रेस युनियन बाँकेका पूर्व अध्यक्ष अर्जुन वली, समाजबादी प्रेस संगठन बाँकेका अध्यक्ष लोकनाथ शर्मा, चलचित्र पत्रकार संघ बाँकेका अध्यक्ष रामचन्द्र पौडेल, अवधि पत्रकार संघ बाँकेका अध्यक्ष प्रहलाद विश्वकर्मा, ठकुरी पत्रकार समाजका अध्यक्ष करुणा शाह लगायतको सहभागिता रहेको थियो ।

कार्यक्रममा डिजिटल मिडियामा महिला सहभागिता, अबसर र चुनौतीका बिषयमा बरिष्ठ पत्रकार शंकर प्रसाद खनालले सहजीकरण गरेका थिए । उनले डिजिटल मिडियामा सहभगिता बढ्दै गएको अवस्थामा यसलाई भरपर्दो र सत्यतथ्यमा आधारित बनाउनुपर्ने कुरामा जोड दिए । विश्वमा यसको प्रयोग बढेको र रुचाइएकोले पत्रकारिता क्षेत्रमा पनि यो सुहाउँदो र छरितो भएको धारणा राखे ।

क्रियाशिल पत्रकार महिला बाँकेले सण्डे क्लब अन्तर्गत आज नयाँ कार्यसमिति निर्वाचित भइसकेपछि पहिलो कार्यक्रम गरेको हो । यस पछाडि सण्डे कल्ब अन्तरगत ब्यक्ति विशेष सफलताका कथामा आधारित भएर गर्ने क्रियाशिल पत्रकार महिला बाँकेका अध्यक्ष गिरीले बताइन् । उनले डिजिटल मिडियामार्फत सूचनामूलक सामग्रीहरु प्रसारण गर्न सकिने भएकाले यसतर्फ पत्रकार महिलाहरुलाई आकर्षित गर्दे सशक्त बनाउने उद्देश्य अनुसार कार्यक्रम गरिएको बताइन् । कार्यक्रमको सञ्चालन सचिव निशु जोशीले गरेकी थिइन् ।

प्रकाशित मिति: आइतबार, माघ ६, २०८१ २०:३३

प्रतिक्रिया दिनुहोस्