नवनिर्वाचितलाई कांग्रेस बाँकेको बधाई र सम्मान

राजनीति

गृहपृष्ठ
राजनीति
नवनिर्वाचितलाई कांग्रेस बाँकेको बधाई र सम्मान

नवनिर्वाचितलाई कांग्रेस बाँकेको बधाई र सम्मान

सोमबार, माघ ७, २०८१ बागेश्वरी पोस्ट

नेपालगन्ज । नेपाली कांग्रेस बाँकेले प्याब्सन, जिल्ला सहकारी संघ र क्रियाशील पत्रकार महिला बाँकेको नवनिर्वाचित कार्यसमितिलाई बधाई ज्ञापन गर्दै सम्मान गरेको छ ।

पार्टी कार्यालयमा आयोजित एक कार्यक्रमका बीच टीका र खादा लगाई नवनिर्वाचित पदाधिकारी र सदस्यहरुलाई सम्मान गरिएको हो । नेपाली कांग्रेसका केन्द्रीय सदस्य मैकुलाल बाल्मिकी, जिल्ला सभापति नारायण प्रसाद गौडेल लगायत पदाधिकारीले बधाई ज्ञापन गर्दै सम्मान गरेका हुन् ।

निजी तथा आवासीय विद्यालय अर्गनाइजेसन (प्याब्सन) बाँकेमा विकास बज्राचार्य, जिल्ला सहकारी संघमा प्रेम सुवेदी र क्रियाशील पत्रकार महिला बाँकेमा सावित्री गिरीको नेतृत्वमा हालसालै नयाँ कार्यसमिति निर्वाचित भएको हो ।

कार्यक्रममा बोल्दै केन्द्रीय सदस्य बाल्मिकीले नयाँ उर्जा र सोचका साथ काम गर्न नवनिर्वाचितहरुलाई शुभकामना दिए । कांग्रेस सभापति गौडेलले हरेक क्षेत्रमा नवनिर्वाचित भएकाहरुलाई बधाई ज्ञापन गर्दै सम्मान गर्ने विशिष्ट परम्पराको सुरुवात अहिलेको कार्यसमिति गरेको बताए । यसले आपसी सद्भाव, सहकार्य र आत्मियता बढाउने उनले बताए । आ-आफ्नो कार्यभार र कार्य क्षेत्रमा उत्कृष्ट कामका लागि उनले नवनिर्वाचितहरुलाई शुभकामना दिए ।

कार्यक्रममा जिल्ला सहकारी संघ बाँकेका नवनिर्वाचित अध्यक्ष सुवेदी, प्याब्सन बाँके अध्यक्ष बज्राचार्य र क्रियाशील पत्रकार महिला बाँकेकी अध्यक्ष गिरीले बधाई र सम्मानका निम्ति बाँके कांग्रेसलाई धन्यवाद दिँदै जिम्मेवारीबोधका काम गर्ने प्रतिबद्धता जनाए ।

नेपाली कांग्रेस बाँकेका जिल्ला सचिव सुधांशु कोइरालाले संचालन गरेको कार्यक्रममा कोषाध्यक्ष यज्ञबहादुर बस्नेत, सहसचिव रेनु सिंह ठाकुर, प्रवक्ता डिल्ली गिरी लगायतको उपस्थिति थियो ।

प्रकाशित मिति: सोमबार, माघ ७, २०८१ १६:४०

प्रतिक्रिया दिनुहोस्