बसको ठक्करबाट दाङको लमहीमा एक जना युवकको मृत्यु

समाचार

गृहपृष्ठ
समाचार
बसको ठक्करबाट दाङको लमहीमा एक जना युवकको मृत्यु

बसको ठक्करबाट दाङको लमहीमा एक जना युवकको मृत्यु

सोमबार, फागुन २६, २०७६ बागेश्वरी पोस्ट

दाङ । बसको ठक्करबाट दाङको लमहीमा एक जना युवकको मृत्यु भएको छ ।

लमही नगरपालिका वडा नं १ सुनडबरीका १९ वर्षीय हुमन घर्ती मगरको बसको ठक्करबाट घटनास्थलमै मृत्यु भएको हो । पूर्वपश्चिम राजमार्ग अन्तरगत पूर्वबाट पश्चिम तर्फ आउँदै गरेको रा १ ख १७९५ नम्बरको बसले मगरलाई ठक्कर दिएको थियो ।

जिल्ला प्रहरी कार्यालय घोराहीका अनुसार उक्त बस जन्ती पुर्याएर बेलुका फर्किदै गरेको थियो । दुर्घटना लगतै स्थानीयले राजमार्ग बन्द गराएका थिए ।

पीडित पक्ष, गाडी धनि र स्थानीय प्रशानका बीचमा भएको छलफल पछि चालकलाई कानुन बमोजिम कारवाही गर्ने तथा क्षतिपूर्ति उपलब्ध गराउने सहमति भएको छ ।मगरलाई बसले आइतबर साझ ठक्कर दिएपनि सहमती सोमबार बिहान मात्रै भएको हो।

प्रकाशित मिति: सोमबार, फागुन २६, २०७६ १६:५६

प्रतिक्रिया दिनुहोस्