नेपालगञ्जका अधिबक्ता ज्ञवाली लुम्बिनी प्रदेश पार्षदको उम्मेदवार

समाचार

गृहपृष्ठ
समाचार
नेपालगञ्जका अधिबक्ता ज्ञवाली लुम्बिनी प्रदेश पार्षदको उम्मेदवार

नेपालगञ्जका अधिबक्ता ज्ञवाली लुम्बिनी प्रदेश पार्षदको उम्मेदवार

सोमबार, माघ १४, २०८१ बागेश्वरी पोस्ट

नेपालगञ्ज । नेपालगञ्जमा लामो समयदेखि वकालत पेशामा क्रियाशील अधिबक्ता ईश्वरी प्रसाद ज्ञवालीले नेपाल कानुन व्यवसायी परिषदको निर्वाचनमा लुम्बिनी प्रदेश पार्षदमा उम्मेदवारी दिएका छन् । यही माघ २६ गते शनिवार हुने निर्वाचनमा ज्ञवालीले बृहत लोकतान्त्रिक समावेशी समूहको तर्फबाट लुम्बिनी प्रदेश पार्षदमा उम्मेदवारी दिएका हुन् ।

May be an image of 1 person and text

नेपालगञ्जमा आज पत्रकार भेटघाट कार्यक्रम गरेर अधिवक्ता ज्ञवालीले आफ्नो उम्मेदवारी र प्रतिबद्धताबारे जानकारी गराएका छन् । प्रचारप्रसारका क्रममा रहेका उनले लुम्बिनीका बाँके, बर्दिया र दांग बाहेक सबैतिर पुगेर मतदातासंग भेटघाट गरिसकेका छन् । नेपाल डेमोक्रेटिक लयर्स एसोसिएसन लुम्बिनी प्रदेश प्रचारप्रसार समितिले आयोजना गरेको पत्रकार भेटघाट कार्यक्रममा बरिष्ठ अधिबक्ता लोक बहादुर शाह, अधिबक्ता प्रल्हाद बहादुर कार्की लगायतले ज्ञवालीलाई निर्वाचित गराउन आह्वान गरेका थिए ।

नेपाल डेमोक्रेटिक लयर्स एसोसिएसन लुम्बिनी प्रदेश प्रचारप्रसार समिति संयोजक बरिष्ठ अधिवक्ता भोलासिंह हमालको अध्यक्षतामा सम्पन्न कार्यक्रमको सञ्चालन अधिवक्ता बल बहादुर चन्दले गरेका थिए । त्यसक्रममा नेपाल पत्रकार महासंघ लुम्बिनी प्रदेश अध्यक्ष शुक्रऋषि चौलागाईंले पनि शुभकामना दिएका थिए । ज्ञवाली जिल्ला बार बाँके, पुनरावेदन बार तथा डिएलएमा सफल नेतृत्व प्रदान गरिसकेका जुझारु अधिवक्ता हुन् ।ज्ञवालीको प्रतिद्वन्दीमा बुटवलका अधिवक्ता मदन कुमार पुन छन् । लुम्बिनीमा ७९५ जना कानुन व्यवसायी मतदाता छन् । नेपालगन्जबाट मात्रै ३२० जनाले मतदान गर्नेछन् ।

May be an image of 7 people, dais and text