नेपालगन्ज खजुरा रोड नजिकैको एक चप्पल कारखानामा आगलागी, नियन्त्रण प्रयास जारी

समाचार

गृहपृष्ठ
समाचार
नेपालगन्ज खजुरा रोड नजिकैको एक चप्पल कारखानामा आगलागी, नियन्त्रण प्रयास जारी

नेपालगन्ज खजुरा रोड नजिकैको एक चप्पल कारखानामा आगलागी, नियन्त्रण प्रयास जारी

बुधबार, फागुन २८, २०७६ बागेश्वरी पोस्ट

नेपालगन्ज । नेपालगन्ज खजुरा रोड इन्द्रपुरगेट नजिकै एक चप्पल कारखानामा आगलागी भएको छ।

बुधबार बिहान १ बजे उक्त कारखानामा आगो लाएको थियो। आगो निभाउन अनेकन प्रयास भएपनि समाचार तयार पार्दा सम्म आगो निभाउने प्रयास जारी रहेको छ। जानकी गाउपालिका ३ इन्द्रपुरगेट नजिकै रहेको जयसियाराम मेनिफेक्चरिङ ईण्डट्रिज प्रालिको चप्पल कारखानामा आज बिहान भिषण आगलागि भएको हो।

आगो निभाउन नेपालगन्ज उपमहानगरपालिकाका दुई, कोहलपुरबाट १ गुलरिया नगरपालिकाबाट १ , मधुबन नगरपालिकाबाट १ र नेपालगन्ज बिमानस्थलबाट १ गरि ६ वटा दमकलले प्रयास जारी राखेको जिल्ला प्रहरी कार्यालय बाँकेले जानकारी दिएको छ। आगलागीमा परि कारखानामा काम गर्ने २५ वर्षिय दिलिप चमार घाइते भएका छन । घाइते चमारको भेरी अस्पतालमा उपचार भईरहेको छ ।

आगलागी नियन्त्रण गर्न नेपाली सेना, नेपाल प्रहरी , सशस्त्र प्रहरी लगायत स्थानियले प्रयास जारी राखेका छन् ।आगलागी के कारणले भयो र कति नोक्सानी भएको बारेमा पछि मात्रै थाहा हुने वडा प्रहरी कार्यालयका प्रमुख प्रहरी निरीक्षक हरि बस्नेतले बताए।

प्रकाशित मिति: बुधबार, फागुन २८, २०७६ ०९:३७

प्रतिक्रिया दिनुहोस्