सुशील कोइरालाको नवौं स्मृति दिवसः नेपालगञ्जमा दीप प्रज्ज्वलन

राजनीति

गृहपृष्ठ
राजनीति
सुशील कोइरालाको नवौं स्मृति दिवसः नेपालगञ्जमा दीप प्रज्ज्वलन

सुशील कोइरालाको नवौं स्मृति दिवसः नेपालगञ्जमा दीप प्रज्ज्वलन

शनिबार, माघ २६, २०८१ बागेश्वरी पोस्ट

नेपालगञ्ज । नेपाली कांग्रेसका पूर्व सभापति, पूर्व प्रधानमन्त्री एवम् संविधान पिता सुशील कोइरालाको नवौं स्मृति दिवस आज मनाइएको छ । स्मृति दिवसको अवसरमा नेपाली कांग्रेस बाँकेले नेपालगञ्जस्थित वीपी चोकमा दीप प्रज्ज्वलन गरेको छ ।

कार्यबहाक सभापति गोपाल प्रसाद अधिकारीको सभापतित्व एवम् केन्द्रिय सदस्य मैकुलाल बाल्मिकीको प्रमुख आतिथ्यतामा सम्पन्न कार्यक्रममा बोल्ने बक्ताहरुले त्यागी, सादगी र कर्तब्यनिष्ठ नेता स्वर्गीय कोइराला नेपाली राजनीतिका आदर्श ब्यक्तित्व रहेको चर्चा गरे । संविधान निर्माणमा कोइरालाले लिएको अडान र कुशल नेतृत्वले संविधानसभाबाट पहिलोपटक संविधान बन्ने अवसर मुलुकले पाएको उनीहरुको भनाई छ । उनी २०७० सालको दोस्रो संविधानसभा निर्वाचनमा बाँके क्षेत्र नम्बर २
(नेपालगञ्ज क्षेत्र) बाट निर्वाचित भई प्रधानमन्त्री बनेका थिए । दीप प्रज्ज्वलन कार्यक्रममा नेपाली कांग्रेस बाँकेकी निवर्तमान सभापति किरण कोइराला, पूर्व सभापति एवम् पूर्व मन्त्री गजेन्द्र हमाल लगायत नेता कार्यकर्ता उपस्थित थिए ।

May be an image of 7 people and crowd