नेपालगन्ज उपमहानगरपालिका कार्यालयमै सुरु भयो कोरोनाको जोरो जाँच

समाचार

गृहपृष्ठ
समाचार
नेपालगन्ज उपमहानगरपालिका कार्यालयमै सुरु भयो कोरोनाको जोरो जाँच

नेपालगन्ज उपमहानगरपालिका कार्यालयमै सुरु भयो कोरोनाको जोरो जाँच

बुधबार, फागुन २८, २०७६ बागेश्वरी पोस्ट

नेपालगन्ज । बिश्वभर कोरोना भाइरसको संंक्रमण फैलिदै गएको अवस्थामा नेपालगन्ज उपमहानगरपालिकाले सतर्कता अपनाएको छ।

उपमहानगरपालिकाले नेपालगन्जका विभिन्न स्थानहरुमा कोरोना जाँच अभियानलाई तिब्रता दिएको छ। नेपालगन्ज उपमहानगरपालिकाले नेपालगन्जको सिमा नाका जमुनहा र राँझा विमानस्थलमा यस अघि कोरोना जाँच कक्ष राखीसकेको छ।

त्यस्तै उपमहानगरपालिकाले कार्यालय परिसरमै कोरोना जाँच सुरु गरेको छ।उपमहानगरपालिकाले एक जना स्टाफ नर्स राखेर नन डिजिटल इन्फ्रारेड थर्मोमिटर प्रयोग गरेर जोरो जाँच सुरु गरेको स्वास्थ्य शाखा प्रमुख राम बहादुर चन्दले बताए। आज देखि सुरु गरिएको जोरो जाँचमा अहिले सम्म ५० जनाले जाँच गराएको स्टाफ नर्स लक्ष्मी बिकले बताइन् ।

स्टाफ नर्स बिकका अनुसार जाँच गराउन आउनेलाई कोरोनाबाट जोगिन सकिने जनचेतनामूलक सन्देश पर्चा समेत वितरण गरिएको छ। उपमहानगरपालिकाले कार्यालयमै यसरी कोरोना जाँच गरेकोमा सेवाग्राही रबिन्द्र स्वारले यो कार्य धेरै राम्रो भएको बताए।

उपमहानगरपालिकाको कोरोना हेल्प डेस्कमा बिपी देखि जोरो जाँच सबै गरिदै गरेकोमा स्वार मात्र नभइ अन्य जाँच गराउने ब्यक्तिहरुले समेत उपमहानगरपालिकालाई धन्यवाद दिएका छन् ।

प्रकाशित मिति: बुधबार, फागुन २८, २०७६ १३:३१

प्रतिक्रिया दिनुहोस्