सहमती पछि कोहलपुर नेपालगन्ज सडक खण्ड सुचारु

समाचार

गृहपृष्ठ
समाचार
सहमती पछि कोहलपुर नेपालगन्ज सडक खण्ड सुचारु

सहमती पछि कोहलपुर नेपालगन्ज सडक खण्ड सुचारु

बुधबार, फागुन २८, २०७६ बागेश्वरी पोस्ट

कोहलपुर । टिपरको ठक्करबाट आज बिहान ११ बजे कोहलपुर वडा नं ९ की रामपति थारुको ज्यान गएपछि आफन्त र स्थानियले गरेको कोहलपुर नेपालगन्ज खण्ड चक्काजाम खुलेको छ।

उचित क्षतीपुर्तीको माग सहित स्थानिय र मृतकका आफन्त आन्दोलनमा उत्रिएका थिए । स्थानिय पिपिरी चोकदेखी कोहलपुर हाईस्कुलसम्म बिभिन्न स्थानमा टायर बारेर आन्दोलनमा उत्रिएका ३ घण्टासम्म कोहलपुर नेपालगन्ज सडकखण्ड अवरुद्ध पारेका थिए ।

आन्दोलनको रुप उग्र हुँदै गएपछि ठुलो सँख्यामा सुरक्षाकर्मी परिचालन गरीएको थियो । आन्दोलनकारीले टिप्पर चालकलाई मुद्धा चलाउनुपर्ने, मृतकका परिवारलाई उचित क्षतीपूर्ति उपलब्ध गराउनुपर्ने लगाएतका माग राख्दै सडक अवरुद्ध पारेका थिए ।

घटना लगत्तै प्रहरीले नियन्त्रणमा लिएका टिप्पर चालकलाई कानुनी प्रक्रिया अनुसार मुद्धा चलाउने सहमती भएपछि आन्दोलन स्थगित भएको हो । पिपिरी झण्डहवा चोकमा रा१ख २१८८ नम्बरको टिप्परले साईकल यात्रीलाई थारुलाई ठक्कर दिएको थियो ।

प्रकाशित मिति: बुधबार, फागुन २८, २०७६ १६:१६

प्रतिक्रिया दिनुहोस्