न्यौपानेको अध्यक्षतामा कर्णाली पत्रकार समाज गठन

समाचार

गृहपृष्ठ
समाचार
न्यौपानेको अध्यक्षतामा कर्णाली पत्रकार समाज गठन

न्यौपानेको अध्यक्षतामा कर्णाली पत्रकार समाज गठन

बुधबार, माघ ३०, २०८१ बागेश्वरी पोस्ट

नेपालगञ्ज । कर्णाली प्रदेशबाट बाँकेमा आई पत्रकारिता गरिरहेका पत्रकारहरु संगठित भएका छन् । दैलेखबाट नेपालगञ्जमा आएर पत्रकारिता गरिरहेका कमल न्यौपानेको अध्यक्षतामा सात सदस्यीय कर्णाली पत्रकार समाज गठन गरिएको हो ।

समाजको उपाध्यक्षमा गणेश विशु रुकुम पश्चिम, सचिवमा जयपति ढकाल हुम्ला र रजनी योगी दैलेख कोषाध्यक्षमा चयन भएका छन् । त्यस्तै कमल डाँगी सुर्खेत, शुभाकर विश्वकर्मा जुम्ला र सिवानी विक जुम्ला सदस्यमा चयन भएको अध्यक्ष न्यौपानेले जानकारी दिए ।

कर्णालीका विभिन्न जिल्लाबाट बाँकेमा आई पत्रकारिता गर्ने पत्रकारहरु दर्जन बढी छन् । उनीहरुको सुरक्षा र हक अधिकारका लागि समाजले पैरवी गर्ने उनको भनाई छ । समाजले ६ महिनाभित्र विधान तयार गरी बृहत भेला गर्ने न्यौपानेको भनाई छ ।

प्रकाशित मिति: बुधबार, माघ ३०, २०८१ १९:३५

प्रतिक्रिया दिनुहोस्