सरसफाईकर्मीको स्वास्थ्य, सुरक्षा र सरसफाईका विषयमा अन्तरक्रिया

स्थानीय

गृहपृष्ठ
स्थानीय
सरसफाईकर्मीको स्वास्थ्य, सुरक्षा र सरसफाईका विषयमा अन्तरक्रिया

सरसफाईकर्मीको स्वास्थ्य, सुरक्षा र सरसफाईका विषयमा अन्तरक्रिया

शुक्रबार, फागुन २, २०८१ बागेश्वरी पोस्ट

नेपालगञ्ज । नेपालगञ्जमा आज सरसफाईकर्मीको स्वास्थ्य, सुरक्षा र सरसफाईका विषयमा अन्तरक्रिया गरिएको छ । बाल्मिकी समाज नेपालको आयोजना र ग्रीनसिफ्ट नेपालसंगको सहकार्यमा आयोजित अन्तरक्रिया कार्यक्रममा सरसफाईकर्मीको पेशागत सुरक्षाका सवालमा छलफल गरिएको हो ।

बाल्मिकी समाज नेपालका अध्यक्ष जगदिश बाल्मिकीको अध्यक्षता एवम् नेपालगञ्ज उपमहानगरपालिकाका प्रमुख प्रशान्त विष्टको प्रमुख आतिथ्यतामा सम्पन्न अन्तरक्रिया कार्यक्रममा सरसफाईकर्मीको पेशागत दायित्व, काम गर्दै गर्दा अपनाउनुपर्ने सावधानी तथा स्थानीय सरकार एवम् सरोकारवालाले सरसफाईकर्मीको स्वास्थ्य सुरक्षाका लागि देखाउनुपर्ने संवेदनशिलता एवम् पहलकदमीका विषयमा छलफल गरिएको छ ।

May be an image of 5 people

कार्यक्रममा नेपालगञ्ज उपमहानगरपालिका वडा नम्बर २ का वडा अध्यक्ष मनोज कुमार श्रेष्ठ, भेरी अस्पतालका प्रमुख मेडिकल सुपरिटेण्डेण्ट डा. निराजन सुवेदी, नेपालगञ्ज उपमहानगरपालिका वातावरण तथा सरसफाई शाखा प्रमुख प्रकाश डिसी, स्वास्थ्य महाशाखाका जनस्वास्थ्य निरीक्षक जागेश्वर बस्नेत र बाल्मिकी समाजका अध्यक्ष जगदिश बाल्मिकीले प्यानलिस्टको रुपमा सरसफाईकर्मीको पेशागत सुरक्षा, स्वास्थ्य र शिक्षाका बिषयमा धारणा राखेका थिए ।

सरसफाईकर्मीको बीमा गरिदिनुपर्ने, सामाजिक सुरक्षा कोषमा जोड्नुपर्ने, स्वास्थ्य परीक्षण र शिक्षा आर्जनका लागि विशेष सहुलियत दिनुपर्ने लगायतका सवाल उठान गरिएको छ । सरसफाईकर्मीले पनि आफ्नो स्वास्थ्यको ख्याल गर्दै पिपिई लगाएर मात्र काम गर्नुपर्ने, आफ्नो दायित्व कुशलतापूर्वक निभाउनुपर्ने आवश्यकतामा जोड दिइएको छ ।

प्रकाशित मिति: शुक्रबार, फागुन २, २०८१ २१:१५

प्रतिक्रिया दिनुहोस्