सांसद थापालाई अशोभनीय गतिविधि र दुषित अभिब्यक्ति बन्द गर्न कांग्रेस प्यूठानको ध्यानाकर्षण

समाचार

गृहपृष्ठ
समाचार
सांसद थापालाई अशोभनीय गतिविधि र दुषित अभिब्यक्ति बन्द गर्न कांग्रेस प्यूठानको ध्यानाकर्षण

सांसद थापालाई अशोभनीय गतिविधि र दुषित अभिब्यक्ति बन्द गर्न कांग्रेस प्यूठानको ध्यानाकर्षण

शुक्रबार, फागुन २, २०८१ बागेश्वरी पोस्ट

नेपालगञ्ज । नेपाली कांग्रेस प्यूठानले प्रतिनिधिसभा सदस्य सूर्य थापाले अशोभनीय गतिविधि र दुषित भनाईहरु ब्यक्त गरिरहेको भन्दै आपत्ति जनाएको छ । सभापति विष्णु कुमार गिरीले आज प्रेस विज्ञप्ती जारी गर्दै हाल सत्ता साझेदारीमा रहेका दुई ठूला दलको गठबन्धनको गरिमालाई विखण्डन गर्ने दुषित भनाईहरुलाई बन्द गर्न आग्रह गरेका छन् । श्रृंखलाबद्धरुपमा थापाले होच्याउने, गलत अभिब्यक्ति दिने, समानुपातिक समावेशी सिद्धान्त र भावना विपरीत अभिब्यक्ति दिने, समानुपातिक सांसदलाई होच्याउने, मन्त्रीप्रति ब्यंग्य गर्ने लगायतका क्रियाकलाप गरेको भन्दै आपत्ति जनाइएको छ ।

"जिल्ला समन्वय समिति प्यूठानको पूर्व निर्धारित कार्यक्रमको प्रमुख अतिथिको रुपमा बोलाइएको एक समानुपातिक सांसद उपस्थित भएको कार्यक्रममै पुगी उक्त माइन्यूट च्यात्न लगाउने, नेपाली कांग्रेस प्यूठानबाट मन्त्री भएका व्यक्तिलाइ इंगित गरी जनताको घरदैलोमा पुग्ने कुरालाई जोकको रुपमा “क्याटवाक गर्दै हिँडेर विकास हुन्छ” भन्दै आपत्ति जनाउने, प्रदेश सासंदहरुका पहलमा परेका विकास बजेटको विरोध गर्ने, टेलिकमको सेवा विस्तार कार्यक्रममा संघीय सांसद सूर्य बहादुर थापा र लुम्बिनी प्रदेश सासंद निमा गिरीले सयूंक्त उद्घाटन गर्ने भनी लेखिएको व्यानर टाँस्न नदिने र उल्टो टेलिकमका कर्मचारीहरुलाइ थर्काउने, सरुवाको धम्की दिने जस्तो अलोकतान्त्रिक चरित्र देखाई गैर-अभिव्यक्ति दिने कार्य तत्काल बन्द गरेर प्यूठानी जनताको विकाससँग जोडिन र गलत अभिव्यक्ति नदिन नेपाली काग्रेंस प्यूठान गम्भीर ध्यानाकर्षण गराउँदछ," विज्ञप्तीमा भनिएको छ ।

प्रकाशित मिति: शुक्रबार, फागुन २, २०८१ २१:५५

प्रतिक्रिया दिनुहोस्