लियोको दोस्रो जिल्ला परिषद बैठक खजुरामा हुँदै

समाचार

गृहपृष्ठ
समाचार
लियोको दोस्रो जिल्ला परिषद बैठक खजुरामा हुँदै

लियोको दोस्रो जिल्ला परिषद बैठक खजुरामा हुँदै

शनिबार, फागुन ३, २०८१ बागेश्वरी पोस्ट

नेपालगञ्ज । लियो जिल्ला परिषद ३२५ एन नेपालको वर्ष २०२४-२५ को दोस्रो जिल्ला परिषद बैठकको आतिथ्यता लियो क्लब अफ नेपालगञ्ज खजुराले गर्दैछ । पश्चिम नेपालको सबैभन्दा ठूलो युवा सञ्जाल मध्ये एक लियो जिल्ला परिषद ३२५ एन नेपालको वर्ष २०२४-२५ को दोस्रो जिल्ला परिषद बैठक खजुरा गाउँपालिकास्थित खजुरा मिनीपार्क रिसोर्ट एण्ड पार्टी प्यालेसमा यही फाल्गुन १० गते लियो क्लब अफ नेपालगञ्ज खजुराको आतिथ्यतामा हुन लागेको हो । पूर्वमा राप्ती र पश्चिममा महाकालीले सीमा बाँधेको भूगोलमा अवस्थित ३० वटा लियो क्लबहरुको संयुक्त संगठन लियो जिल्ला परिषद ३२५ एन नेपालले यस क्षेत्रमा युवाहरुको उचित परिचालन गर्दै अनेकौँ सामाजिक कार्य गर्दै आएको छ ।

लियो जिल्ला परिषदले आफ्ना गतिविधिहरुलाई थप व्यापकता तथा एकरुपताका साथ अघि बढाउन यो कार्यक्रम आयोजना गरेको हो । यस कार्यक्रमलाई लियो जिल्ला परिषदको इतिहासमै सबैभन्दा भव्य र सभ्य बनाइने कार्यक्रम संयोजक लियो प्रेक्षा केसीले बताइन् । साथै कार्यक्रममा व्यक्तित्व र नेतृत्व विकास सम्बन्धि गहन प्रशिक्षण समेत प्रदान गरी लियो सदस्यहरुलाई लियो जिल्ला परिषदको सुनौलो भविष्य निर्माण गर्न सक्षम र प्रेरित गर्ने यो कार्यक्रमको मुख्य उद्देश्य रहेको लियो क्लब अफ नेपालगञ्ज खजुराकी अध्यक्ष लियो अपेक्षा श्रेष्ठले बताइन् ।

दुई वर्ष पहिला लियो जिल्ला परिषद ३२५ एन् नेपालको पहिलो जिल्ला परिषद बैठकको समेत लियो क्लब अफ नेपालगञ्ज खजुराले आतिथ्यता गरेको थियो । त्यस कार्यक्रमले लियो जिल्ला परिषदको आधारस्तम्भ स्थापित गर्न महत्त्वपूर्ण भूमिका निर्वाह गरेको थियो । हाल फेरि लियो जिल्ला परिषद ३२५ एन नेपालको दोस्रो जिल्ला परिषद बैठकको आतिथ्यता गरी लियो लियो सदस्यहरुलाई योग्य र क्रियाशील बनाउने लियो क्लब अफ नेपालगञ्ज खजुराको योजना रहेको छ । साथै लियो र लायन्सको मूल्य मान्यता र लियो बन्नुको वास्तविक अर्थ समेत सदस्यहरुलाई अवगत गराउने यस कार्यक्रमको लक्ष्य रहेको बताइएको छ ।

प्रकाशित मिति: शनिबार, फागुन ३, २०८१ २१:२१

प्रतिक्रिया दिनुहोस्