निजामती कर्मचारी युनियन नरैनापुरद्वारा नवनिर्वाचितलाई सम्मान

समाचार

गृहपृष्ठ
समाचार
निजामती कर्मचारी युनियन नरैनापुरद्वारा नवनिर्वाचितलाई सम्मान

निजामती कर्मचारी युनियन नरैनापुरद्वारा नवनिर्वाचितलाई सम्मान

शनिबार, फागुन १०, २०८१ बागेश्वरी पोस्ट

नरैनापुर । नेपाल निजामती कर्मचारी युनियन नरैनापुर इकाई समिति बाँकेले नवनिर्वाचितहरुलाई बधाई ज्ञापन गर्दै सम्मान गरेको छ । नरैनापुरमा नेपाल निजामती कर्मचारी युनियन नरैनापुर गाउँपालिका स्थानीय कार्यसमिति अध्यक्ष तथा केन्द्रीय महाधिवेशन प्रतिनिधि भरत महतोको अध्यक्षता एवम् नेपाली कांग्रेस बाँकेका सभापति नारायण प्रसाद गौडेलको प्रमुख आतिथ्यता तथा कांग्रेस क्षेत्र नम्बर १ का सभापति पोषण केसीको विशिष्ट आतिथ्यतामा कार्यक्रम सम्पन्न भएको हो ।

कार्यक्रममा बाँके जिल्लाबाट नवनिर्वाचित केन्द्रीय महाधिवेशन प्रतिनिधि, प्रदेश प्रतिनिधि र बाँके जिल्ला कार्यसमितिका नवनिर्वाचित सबैलाई सम्मान-पत्र र गम्छाले सम्मान गरिएको थियो । कार्यक्रममा कांग्रेस महासमिति सदस्य एवम् कोहलपुर नगरपालिकाका मेयर पुर्ण प्रसाद आचार्य, नरैनापुर गाउँपालिकाका अध्यक्ष इश्तियाक अहमद शाह, नेपाल निजामती कर्मचारी युनियन बाँके अध्यक्ष नगेन्द्र शाही, वडा नम्बर १ अध्यक्ष इशाक जोलहा, वडा नम्बर ५ अध्यक्ष कृष्णचन्द्र मौर्य, वडा नम्बर ३ का निवर्तमान अध्यक्ष राज कुमार मौर्य, मिथिला सेवा समाजका अध्यक्ष रामलोचन साह लगायतको उपस्थिति थियो ।

May be an image of 11 people, temple, dais and text

कार्यक्रममा कांग्रेस सभापति गौडेलले नवनिर्वाचितलाई बधाई ज्ञापन गर्दै सफल कार्यकालको शुभकामना ब्यक्त गरे । उनले उत्कृष्ट काम गर्न आग्रह गर्दै सेवा प्रवाहमा जनतासंग प्रत्यक्ष जोडिने भएकाले कर्मचारीले कार्यसम्पादनमा ध्यान दिनुपर्नेमा जोड दिए । निजामती कर्मचारी युनियन नरैनापुरका सहसचिव बालक राम पासेले स्वागत मन्तव्य ब्यक्त गरेका थिए भने संचालन उपाध्यक्ष मोकदर अलि मुकेरीले गरेका थिए ।

यसैबीच भरत महतोले नेपाल निजामती कर्मचारी युनियनको केन्द्रीय महाधिवेशनमा मधेशी सचिव पदमा उम्मेदवारी दिने घोषणा गरेका छन् । नरैनापुर इकाई उपाध्यक्ष भएर तीन बर्ष काम गरेका महतो पछिल्लो पटक नेपाल निजामती कर्मचारी युनियन नरैनापुर गाउँपालिका स्थानीय कार्यसमितिको दोस्रो अधिबेशनबाट अध्यक्ष पदमा निर्वाचित भएका छन् । यसैगरी नेपाल निजामती कर्मचारी युनियन बाँकेको ९औं जिल्ला अधिबेशनबाट केन्द्रिय महाधिबेशन प्रतिनिधि पदमा समेत निर्वाचित भएका उनले अब हुने नेपाल निजामती कर्मचारी युनियन केन्द्रिय महाधिवेशनमा मधेशी समूहबाट केन्द्रीय सचिव पदमा उम्मेदवारी दिने बताएका हुन् । महतोले बाँके लगायत देशभरिका सम्पूर्ण केन्द्रिय महाधिवेशन प्रतिनिधिहरुलाई सहयोग गर्न अनुरोध गरेका छन् ।

प्रकाशित मिति: शनिबार, फागुन १०, २०८१ ०९:३९

प्रतिक्रिया दिनुहोस्