सरकार बाहिर पनि तल्लो तहसम्म संयन्त्रको अभ्यास गर्नु ठीक होइनः डा. कोइराला

राजनीति

गृहपृष्ठ
राजनीति
सरकार बाहिर पनि तल्लो तहसम्म संयन्त्रको अभ्यास गर्नु ठीक होइनः डा. कोइराला

सरकार बाहिर पनि तल्लो तहसम्म संयन्त्रको अभ्यास गर्नु ठीक होइनः डा. कोइराला

आइतबार, फागुन ११, २०८१ बागेश्वरी पोस्ट

नेपालगञ्ज । नेपाली कांग्रेसका बरिष्ठ नेता डा. शेखर कोइरालाले सरकार संचालन गर्न सरकारभित्र संयन्त्र बन्नु अन्यथा नभए पनि सरकार बाहिर पनि तल्लो तहसम्म संयन्त्रको अभ्यास गर्नु ठीक नभएको बताएका छन् ।

नेपाली कांग्रेस राप्तीसोनारी गाउँपालिका बाँकेको तेस्रो सम्मेलनलाई आज सम्बोधन गर्दै कोइरालाले संयन्त्रले सरकार चलाउने अभ्यास साम्यवादी मुलुकमा मात्रै हुने बताए । उनले सरकार बाहिरको संयन्त्र बन्द गर्नुपर्ने धारणा राखे । पालिकास्तरमा पनि संयन्त्र बनाउने कोशिस भइरहेको भन्दै कोइरालाले त्यसले मनमुटाब सिर्जना गर्ने दाबी गरे ।

May be an image of 6 people, temple and text

"सरकारले सुशासन पनि देओस्, संविधानमा सुधारका लागि पनि सबैलाई समेटेर काम गरोस् भन्ने हाम्रो चासो र चिन्ता हो," कोइरालाले भने-"सरकारमा गएका कांग्रेसका मन्त्रीहरुले एमालेसंग सहकार्य गर्ने हो तर हामी बाहिर रहेकाले निरन्तर खबरदारी गर्ने हो ।" उनले एमाले नै कांग्रेसको मुख्य प्रतिष्पर्धी भएकाले खबरदारी गरिरहनुपर्नेमा जोड दिए ।

वरिष्ठ नेता डा. कोइरालाले पार्टीभित्र सहमति, सहकार्य र एकता आवश्यक रहेको बताएका छन् । पार्टीलाई मजबुत बनाउन सहमति, सहकार्य र एकतामा जोड दिए । उनले पार्टी एक ढिक्का र एकताबद्ध भए मात्र आगामी चुनावमा अन्य दलसंग एक्लै प्रतिष्पर्धा गर्न सहज हुने बताए । पार्टीभित्रको गुट अन्त्य गरेर एकताबद्ध कांग्रेस निर्माण गर्न जरुरी रहेको कोइरालाको भनाई छ ।

May be an image of 5 people, dais, temple and text

सम्मेलनलाई केन्द्रीय सदस्यद्वय सञ्जय गौतम र दिनेश कोइराला, लुम्बिनी प्रदेश महामन्त्री विक्रम खनाल, कोशी प्रदेशका पूर्व मुख्यमन्त्री केदार कार्की, कांग्रेस बाँकेका सभापति नारायण प्रसाद गौडेल, क्षेत्र नम्बर १ का क्षेत्रीय समापति पोषण केसी, महासमिति सदस्य महाविर ओली, महाधिवेशन प्रतिनिधि लाहुराम थारु, राप्तीसोनारी गाउँपालिकाका अध्यक्ष तप्त पौडेलले सम्बोधन गरेको क्षेत्र नम्बर १ का क्षेत्रीय सचिव खुम बहादुर बस्नेतले बताए ।

May be an image of 6 people, temple and text

राप्तीसोनारी गाउँपालिका सभापति भिम बहादुर राना क्षेत्रीको सभापतित्वमा सम्पन्न सम्मेलनमा स्वागत मन्तब्य पालिका उपसभापति शेर बहादुर घर्ती तथा सञ्चालन सचिव सन्तोष चौधरीले गरेका थिए ।

May be an image of 5 people and text May be an image of 1 person May be an image of one or more people, temple, dais and crowd