मुस्लिम इत्तेहाद संगठनको महाधिवेशन वैशाखमा नेपालगन्जमा हुने

राजनीति

गृहपृष्ठ
राजनीति
मुस्लिम इत्तेहाद संगठनको महाधिवेशन वैशाखमा नेपालगन्जमा हुने

मुस्लिम इत्तेहाद संगठनको महाधिवेशन वैशाखमा नेपालगन्जमा हुने

बिहीबार, फागुन १५, २०८१ बागेश्वरी पोस्ट

नेपालगन्ज । नेपाल मुस्लिम इत्तेहाद संगठनको केन्द्रीय महाधिवेशन आगामी वैशाखमा नेपालगन्जमा हुने भएको छ । एमाले निकट नेपाल मुस्लिम इत्तेहाद संगठनको केन्द्रीय महाधिवेशन २०८२ बैशाख २१–२२ गते नेपालगञ्जमा आयोजना गरिने भएको हो ।

महाधिवेशनबारे जानकारी दिन आज आयोजित पत्रकार सम्मेलनमा संगठनका इन्चार्ज तथा एमाले केन्द्रीय सदस्य मो. हारुन हल्वाईले नेपालगन्जमा सम्पन्न हुने महाधिवेशनले सद्भाव र एकताको सन्देश प्रवाह गर्ने बताए । संगठनका कोषाध्यक्ष तथा महाधिवेशन तयारी समितिका संयोजक अब्दुल करिम खाँले महाधिवेशन सफल बनाउनका लागि १३ वटा उपसमिति निर्माण गरी क्रियाशील रहेको जानकारी दिए । महाधिवेशनमा ४२ जिल्लाबाट ६ सय प्रतिनिधिको सहभागिता रहने जानकारी दिइएको छ ।

केन्द्रीय महाधिवेशनको नेकपा एमालेका केन्द्रीय अध्यक्ष तथा प्रधानमन्त्री केपी शर्मा ओलीले उद्घाटन गर्ने कार्यक्रम तय भएको उल्लेख गर्दै हारुनले कार्यक्रममा महासचिव शंकर पोखरेलको उपस्थिति रहने पनि जानकारी दिए । पत्रकार सम्मेलनमा एमाले केन्द्रीय सदस्य एवम् संघीय सांसद सूर्य ढकालले महाधिवेशन नेपालगन्जमा हुनु गौरवको विषय भएको भन्दै महाधिवेशन सफल बनाउनतर्फ सबै लाग्नुपर्नेमा जोड दिए ।

नेपाली मुस्लिम समुदायको पहिचान र अधिकार प्राप्तिको लागि नेकपा एमालेको जनवर्गीय संगठनको रुपमा २०४८ सालमा नेपाल मुस्लिम इत्तेहाद संगठन स्थापना भएको हो । संगठनले मुस्लिम समुदायको पक्षका पैरवी गर्ने, पक्षधरका विषयमा काम गर्ने, समुदायको हित, समुदायको अधिकारका लागि वकालत गर्ने र राजनीतिक, सामाजिक, आर्थिक पक्षमा वहसहरु चलाई समुदायका हक अधिकार सदनदेखि सडकसम्म पुर्याउने कार्य पनि गरिरहेको इन्चार्ज हारुनले बताए । संगठनका जिल्ला अध्यक्ष मो. सफिक बेहनाको अध्यक्षतामा पत्रकार सम्मेलन सम्पन्न भएको थियो ।

प्रकाशित मिति: बिहीबार, फागुन १५, २०८१ १६:५९

प्रतिक्रिया दिनुहोस्